Fatima al-Aqel

Wikipedia, Entziklopedia askea
Fatima al-Aqel
Bizitza
JaiotzaYemen, 1957
Herrialdea Yemen
HeriotzaYemen, 2012ko urtarrilaren 11 (54/55 urte)
Hezkuntza
HeziketaKairoko Unibertsitatea
Jarduerak
Jarduerakgiza eskubideen aldeko ekintzailea

Fatima al-Aqel (arabieraz: فاطمة العاقل‎; 1957 – 2012ko urtarrilaren 11) emakume itsuen eskubideen aldeko yemendar ekintzailea izan zen.

Bizitza[aldatu | aldatu iturburu kodea]

Kairoko Unibertsitatean ikasten ari zela, itsu bihurtu zen. Arteetan lizentziatu zen eta islamiar ikasketetan diploma bat jaso zuen[1].

1995ean emakume itsuentzako Yemengo lehen eskola ireki zuen. 1997an, erakunde bat sortu zuen, Al-Aman Organization Blind Women Care (AOBWC), hezkuntzan eta langilerian emakume itsuek dituzten aukerak areagotzeko[2]. Yemenek itsutasun- eta begi-gaixotasun-tasa altua du, eta horietako asko tratagarriak dira. Hala ere, yemendar askok ezin dute tratamendua ordaindu, edo kasu batzuetan, aholku mediko okerrak jasotzen dituzte, eta ondorioz itsu geratzen dira[3]. 2012an, 76.000 yemendar itsu inguru zeudela kalkulatu zen, gehienak landa-eremuetan bizi zirela[4]. Yemenen, pertsona desgaituek ikasketak egiteko eta zerbitzu sozial eta publikoetarako sarbidea jasotzeko erronka asko dituzte[5].

Fatima al-Aqelek nahi zuen Yemengo emakume itsuak gizartearen parte aktibo izatea eta ikasten jarraitu eta enplegua lortu ahal izatea[6]. AOBWCk emakume itsuei ikasten eta bizitza sozial eta politikoan aktiboki parte hartzen laguntzen die. Gainera, liburuak Braille sistemara egokitzen ditu[7]. Erakundeak Hezkuntza Ministerioarekin eta antzeko beste fundazio batzuekin kolaboratzen du[1]. 2001ean, Fatima al-Aqelek AOBWCren eta Britainia Handiko Kultur Kontseiluaren arteko lankidetza-hitzarmen bat sinatu zuen[7].

2012ko urtarrilaren 11n hil zen[1]. Urte berean, hil osteko Balqis saria eman zioten, Yemengo emakume taldeen ekarpenak aitortzeko ematen dena[8].

Erreferentziak[aldatu | aldatu iturburu kodea]

  1. ↑ a b c (Ingelesez) Nasser, Afrah. «Yemen Lost One of its Female Change-Makers; Fatima al-Aqel» Afrah Nasser's Blog 2012-01-12 (Noiz kontsultatua: 2023-10-30).
  2. ↑ (Ingelesez) Bryan, Angie. «Speech in honor of International Women's Day» Embassy of the United States - Yemen 2010-03-08 jatorrizkotik artxibatua (artxibatze data: 2015-04-05) (Noiz kontsultatua: 2023-10-30).
  3. ↑ (Ingelesez) «More Efforts Needed to Fight Blindness in Yemen» Yemen Times 2011-07-07.
  4. ↑ (Ingelesez) Al-Duais, Mohammed; Jetschke, Gottfried. (2012). Herbal Medicine in Yemen: Traditional Knowledge and Practice and Their Value for Today's World. Leiden: Koninklijke Brill NV, 178 or. ISBN 9789004221505..
  5. ↑ (Ingelesez) Turmusani, Majid. «Yemen: Disability Profile» Disability World jatorrizkotik artxibatua (artxibatze data: 2016-03-04) (Noiz kontsultatua: 2023-10-30).
  6. ↑ (Ingelesez) «Blind Yemeni Woman Fulfills Her Dreams» My Vision Test News Archive 2008-05-20 (Noiz kontsultatua: 2015-08-06).
  7. ↑ a b (Ingelesez) «UK Ambassador Praises Eman Association for Blind Females Care» Arabia 2000 2006-10-01.
  8. ↑ (Ingelesez) «Yemen LNG Celebrates International Women's Day, Establishes 'Balqis Award' For Successful Women NGOs» Yemen LNG Company 2012-03-11 (Noiz kontsultatua: 2015-08-11).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Fatima_al-Aqel&oldid=9636002"(e)tik eskuratuta