Giovanni Battista Sammartini
Giovanni Battista Sammartini (Milan, Italia, 1698 - Milan, Italia, 1775ko urtarrilaren 15a) italiar musikagilea izan zen.
Biografia
1730-1770. urteetan Milango Andre Maria Magdalenako kapera-maisu eta organista izateaz gainera, Milango eliza askotako musika-zuzendari izan zen. 1741-1745. urteetan Glucken irakasle izan zen.
Zeresan eta eragin handia izan zuen Milango musika-giroan. Haydn adiskide izan zuen, eta eragin handia izan zuen Mozart gaztearengan. Sonataren aitzindarietako bat izan zen, eta sinfonia egituratu zuen. 2.000 lan inguru idatzi zituen, molde anitzekoak: sinfoniak, kuartetoak, sonatak klaberako, kontzertuak biolinerako eta sei musika-tresnatarako, eta eliza-musika, besteak beste.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.