Ibai Gandiaga

Ibai Gandiaga
	;
Bizitza
Jaiotza	Algorta, 1978 (45/46 urte)
Herrialdea	Bizkaia, Euskal Herria
Hezkuntza
Heziketa	Euskal Herriko Unibertsitatea
Jarduerak
Jarduerak	arkitektoa
Lan nabarmenak	ikusi Aldiri. Arkitektura eta abar;
Kidetza	Aldiri. Arkitektura eta abar

Ibai Gandiaga Perez de Albeniz (Bilbo, 1978) arkitekto euskalduna da.^[1]

Aldiri aldizkariko sortzaile[aldatu | aldatu iturburu kodea]

"Aldiri. Arkitektura eta abar" aldizkariko sortzaileetako bat izan zen. Udako Euskal Unibertsitatearen laguntzarekin 2009an argitaratu zuten 0 zenbakia, "Hasiberriak. Arkitekto gazteon komeriak" izenburupean, eta lehendabiziko zenbaki hartako parte-hartzaileen artean zeuden Gandiaga eta hainbat arkitekto hasiberri, besteak beste, Unai Fernandez de Betoño, Maider Uriarte, Ula Iruretagoiena, Agurtzane Elguren, Kepa Iturralde, Ander Gortazar eta Anartz Ormaza. Geroago ere beti izan da kidea aldizkariko erredakzio-kontseiluan.

Aldiri talde-lanaren emaitza izan da hasieratik, garai hartan baziren arkitekturazko oinarrizko liburu batzuk euskarara itzuliak (Müller-ren Arkitektura Atlasa,^[3] Paricioren Arkitekturaren eraikuntza,^[4] edo Solà-Moralesen Hiri-hazkunde motak^[5]), baina taldeak euskarazko berezko sorkuntza bultzatu nahi zuen, eta ez soilik arkitekturaz modu ortodoxoan aritu nahi, beste hainbat aldizkariren moduan; bestelako gaiei ere tartea eskaini nahi zieten: hirigintza, lurralde-antolamendua, artea, soziologia, ekologia, ekonomia... Zenbaki bakoitzean Joseba Larratxe Josevisky arkitektoren komiki bat ere sartu zuten. Aldizkariaren formatua akademikoagoa bihurtu zen denborarekin. Euskarazko Uztaro aldizkari zientifikoaren bideari jarraituz Aldirik Dialnet, Latindex eta MIAR indize eta katalogo akademikoetan agertzea lortu zuen.^[6]

Argitalpenak[aldatu | aldatu iturburu kodea]

Aldiri aldizkarian gutxienez 14 artikulu idatzi ditu.^[7]^[8]

Gaur/Atzo (2020) Ibai Gandiaga Perez de Albeniz, Kepa Iturralde Lertxundi, Maider Uriarte Idiazabal
Bufoia, lekuko. Narratiba grafikoaren bitarteko hiri modernoaren ikerketa konparatzailearen aukera (2019)
Arkitekturan, euskaraz? Adur Ezenarrorekin (2018)
Marrazkigintza arkitektonikoaren inguruan: Diagramatik proiektura eta atzera bueltan. (2014)
Pez Estudiorekin solasean (2014)
Zaldibarreko Haur Eskola. Diseinua eta ekoizpena batzen diren tokia (2014)
Zenbat buru, hainbat aburu. Euskal sortzaileen marrazkiak Agurtzane Elgurenekin (2014)
Energyscapes: energiaren ihesbideak (2012)
Euskal frontoia: arketipoa eta eskala Ula Iruretagoiena eta Irati Burgues-ekin (2012)
"Zaharberritzea eraikin batek berez dituen sendotasuna eta espresioa bueltatzea da". Ramon Ayerzarekin solasean (2011)
Igone Revillarekin solasean (2011)
Okupazioa eta kontratu prekarioak. Okupazioa legeztatzeko nagusi eta maizterren arteko akordio berriak (2011)
"Urbanizazio-kosteak nagusiki publikoak eta gainbalioak nagusiki pribatuak izateak ez du zentzurik". Javier Buronekin solasean (2010)
Biziz bizi. Bizikleta hiri-espazioaren sortzailea. Agurtzane Elgurenekin (2010)
Filosofia eta postmodernitatea. Eduardo Maura Zoritarekin solasean (2010)
Atoma. Martin Ferrani elkarrizketa (2009)
Bizkaiko Arkitekto Elkargoak bere hormak eraitsi ditu (2009)
Gaur/Atzo. Arkitektoaren irudi berriak hamarkada berriaren atarian. Kepa Iturralderekin eta Maider Uriarterekin (2009)