Jesus Arrizabalaga

Jesus Arrizabalaga
	;
Bizitza
Jaiotza	Usansolo, 1930
Herrialdea	Bizkaia, Euskal Herria
Heriotza	Bilbo, 2020ko abuztuaren 26a (89/90 urte)
Hezkuntza
Hizkuntzak	gaztelania
Jarduerak
Kidetza	Athletic
Izengoitia(k)	Txapela eta Txulin

Jesus Arrizabalaga Madariaga, ezizenez Txapela, hurbileneko lagunentzako Txulin (Usansolo, Bizkaia, 1930 – Bilbo, Bizkaia, 2020ko abuztuaren 26a), futbolzalea izan zen. Ezaguna egin zen nagusiki San Mames Zaharrean eta San Mameseko harmailetan pinez beteriko txapela erraldoi batekin hedabideetan agertzeagatik.

Izaera ireki eta apaleko gizasemea zen, beregana hurbiltzen zen edonorekin jator mintzatu ohi zena. Athleticen zale ospetsuenetakoa zen, telebistako zuzeneko partidu emanaldietan maiz harmailetan agertu ohi zen, bai partidu aurreko bai atsedenaldietako tarteetan. Haren oihu ezagunena «Garrote!» zen.

89 urterekin hil zen, 79 urtez athleticzale izanda eta 54 urtez klub horretako bazkide izanda.

2019ko azaroaren 19an, Cuencako probintziako Belmonte udalerriko athleticzaleek haren omenezko izena daraman Jesus Arrizabalaga Peña sortu zuten.^[1]