John Kenneth Galbraith

John Kenneth Galbraith

Datu pertsonalak
Jaio	1908ko urriaren 15a
	Iona Station, Ontario (Kanada)
Hil	2006ko apirilaren 29a
	Cambridge, Massachusetts (AEB)

John Kenneth Galbraith, (Iona Station, Ontario, 1908ko urriaren 15a - Cambridge, Estatu Batuak, 2006ko apirilaren 29a), kanadar-estatubatuar ekonomialaria eta diplomatikoa izan zen.

Biografia

Diplomatikoa, nobelagilea, egunkarietako kronikaria, eta erreferentziazko aholkulari politikoa. Oso kritikoa zen instituzioekin; haren kezka nagusia ez zen teoria ekonomikoa, bazik eta politika ekonomikoak gizartean zituen ondorioak.

1975. urtera arte Harvard Unibertsitatean aritu zen irakasle modura eta lan asko argitaratu zituen. Estatu Batuetako ekonomiari buruzko saiakerak idatzi zituen: American Capitalism (1952, "Ameriketako kapitalismoa"), The Liberal Hour (1960, "Liberalismoaren tenorea"), Money: Whence It Came, Where It Went (1975, "Dirua, nondik heldu eta nora joan zen").

The Affluent Society (1958, "Gizarte oparoa") liburuan, zerbitzu publikoen eta alor pribatuaren arteko desoreka salatu zuen. The Anatomy of Power ("Aginpidearen anatomia") liburuan, aginpidearen ezaugarriei buruzko gogoeta egin zuen. Kennedy lehendakariaren aholkulari izan zen, eta Estatu Batuetako enbaxadorea Indian (1961-63).

Esperientzia koloniala John K. Galbraithentzat

≪Independizatu berri diren herrietan kolonien aldian bizi izandakoa hartzen dute aitzakia nagusitzat zer edo zer txarto irteten denean. Eta herriotan gauza asko dabil txarto. Beraz, horri dagokionez ere mito sorburu bizia da kolonialismoa. Lehen, mitoak kolonialistek egiten zituzten. Orain kolonizatuek.

Kolonialismoa hil eginda, baina orbainak hortxe dira. Potentzia kolonial izan zirenak herri industril aberatsak dira orain. Haien koloniak izandakoak, berriz, munduko lurrik pobreenak dira. Pobreziaren errua kolonialismoari leporatzen zaio (...). Hori azaltzeko zuzenagoa litzateke bertako porrota aipatzeak, hango gobernu, politiko eta negozio gizonen eta politika ekonomikoaren huts egitea.≫

John K. Galbraith. "Ezbaiaren aroa", 1981.

Bibliografia

• Modern Competition and Business Policy, 1938.
• A Theory of Price Control, 1952.
• American Capitalism: The Concept of Countervailing Power, 1952.
• The Great Crash, 1929, 1954.
• Economics and the Art of Controversy, 1955.
• The Affluent Society, 1958.
• Perspectives on conservation, 1958. (Editorea)
• The Liberal Hour, 1960
• Economic Development in Perspective, 1962.
• The Scotch, 1963
• The McLandress Dimension, 1963 (Mark Épernay ezizenaz)
• Economic Development, 1964.
• The New Industrial State, 1967.
• Beginner's Guide to American Studies, 1967.
• How to get out of Vietnam, 1967.
• The Triumph, 1968.
• Ambassador's Journal, 1969.
• How to control the military, 1969.
• Indian Painting (Mohinder Singh Randhawarekin batera), 1969.
• Who needs democrats, and what it takes to be needed, 1970.
• American Left and Some British Comparisons, 1971.
• Economics, Peace and Laughter, 1972.
• Power and the Useful Economist, 1973, AER
• Economics and the Public Purpose, 1973
• A China Passage, 1973.
• John Kenneth Galbraith introduces India, 1974. (Editorea)
• Money: Whence It Came, Where It Went, 1975.
• Socialism in rich countries and poor, 1975.
• The Economic effects of the Federal public works expenditures, 1933-38, (G. Johnsonekin batera) 1975.
• The Age of Uncertainty, 1977.
• The Galbraith Reader, 1977.
• Almost Everyone's Guide to Economics, 1978. (Nicole Salingerrekin batera)
• Annals of an Abiding Liberal, 1979.
• The Nature of Mass Poverty, 1979.
• A Life in Our Times, 1981.
• The Voice of the Poor, 1983.
• The Anatomy of Power, 1983.
• Essays from the Poor to the Rich, 1983.
• Reaganomics: Meaning, Means and Ends, (Paul McCrackenekin batera) 1983.
• A View from the Stands, 1986.
• Economics in Perspective: A Critical History, 1987.
• Capitalism, Communism and Coexistence (Stanislav Menshikovekin batera), 1988.
• Unconventional Wisdom: Essays on Economics in Honour of John Kenneth Galbraith, 1989. (Editorea)
• A Tenured Professor, 1990.
• A History of Economics: The Past as the Present, 1991.
• The Culture of Contentment, 1992.
• Recollections of the New Deal: When People Mattered, 1992. (Editorea)
• A Journey Through Economic Time, 1994.
• The World Economy Since the Wars: A Personal View, 1994.
• A Short History of Financial Euphoria, 1994.
• The Good Society: the humane agenda, 1996.
• Letters to Kennedy, 1998.
• The socially concerned today, 1998.
• Name-Dropping: From F.D.R. On, 1999.
• The Essential Galbraith, 2001.
• The Economics of Innocent Fraud, 2004.
• John Kenneth Galbraith and the future of economics, 2005.