Juan Maria Roman Dornaku
Juan Maria Roman Dornaku Olaetxea (erlijio-izena: Frai Roman Maria de Bera ; Bera, 1878 - Hondarribia, 1959) euskal idazle eta lexikologoa izan zen.
Kaputxinoa zen. Filipinetan egon zen eta bertan ikasi zituen tagalo eta ingeles hizkuntzak. Euskal Herrira itzuli ondoren, Aragoira erbesteratu zuten eta bertan prestatu zuen bere euskara-gaztelania hiztegia. 1913an Zenbakiztia izeneko aritmetika liburua argitaratu zuen eta 1915. urtean Lutelestia geografia liburua. 1915ean Asiako Guam uhartera abiatu zen. Bertan eman zituen hogeita zazpi urteetan, hango hizkuntza (txamorroa) ikasi zuen, hizkuntza horren lehen hiztegia prestatu eta itzulpen ugari egin zuen. 1950. urtean erretiratu zen Hondarribiko komentura, eta bertan hil zen 1959an.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.