Klangforum Wien
| Klangforum Wien | |
|---|---|
| Datuak | |
| Mota | orkestra |
| Herrialdea | Austria |
| Historia | |
| Sorrera | 1985 |
webgune ofiziala     | |
Klangforum Wien (euskaraz: «Soinuen foroa») Austriako ganbera orkestra ospetsua da. Haien egoitza Vienan dago, Konzerthaus aretoan. Haien espezialitate nagusia musika klasiko garaikidea da eta espezialitate horretan Austriako talde aintzindaria da.[1]
Historia[aldatu | aldatu iturburu kodea]
Beat Furrer musikagileak 1985ean sortu zuen. Taldeak ez du zuzendari ofizialik eta zuzendariarik gabe elkarrekin jotzen duten musikari bakarlari talde baten gisa aurkezten dira. Azken urtetan, dena dela, Sylvain Cambreling zuzendari frantziarrak zuzendari gonbidatu gisa lan egin du orkestrarekin. Taldeak Grazeko Musika eta Arte Eszenikoen Unibertsitatean Musika Garaikidearen Interpretazio Praktikaren Katedra koordinatzen du. Kairos Music zigiluarekin grabatzen dute.[2]
Errepertorioa[aldatu | aldatu iturburu kodea]
Tradizionalki egungo musikagile alemaniarren eta austriarren lanak interpretatu dituzte, besteak beste, Helmut Lachenmann, Wolfgang Rihm, Friedrich Cerha eta Hans Zender.
Emanaldiak[aldatu | aldatu iturburu kodea]
Orkestrak Konzerthausen badu bere urteroko zikloa. Hortik aparte Europako musika-jaialdi ospetsuetan hartzen du parte: Wien Modern, Wiener Festwochen, Donaueschingen jaialdia, e.a.
Erreferentziak[aldatu | aldatu iturburu kodea]
Kanpo estekak[aldatu | aldatu iturburu kodea]
- (Alemanez):Orkestraren webgune ofiziala.
