Las maravillosas curas del Doctor Asuero

Las maravillosas curas del Doctor Asuero
Jatorria
Argitaratze-data	1929
Izenburua	Las maravillosas curas del Doctor Asuero
Jatorrizko hizkuntza	baliorik ez
Jatorrizko herrialdea	Espainia
Ezaugarriak
Genero artistikoa	film dokumentala eta film mutua
Iraupena	13 minutu
Kolorea	zuri-beltzekoa
Grabazio lekua(k)	Donostia
Zuzendaritza eta gidoia
Zuzendaria(k)	Nemesio Manuel Sobrevila
Gidoigilea(k)	Nemesio Manuel Sobrevila
Ekoizpena
Ekoizlea	Nemesio Manuel Sobrevila
Fikzioa
Kontakizunaren tokia	Donostia

Las maravillosas curas del Doctor Asuero (euskaraz: «Asuero Doktorearen sendaketa miragarriak») 1929an Nemesio Manuel Sobrevila bilbotar zinema zuzendariaren zinema mutuko dokumental bat da. Filma Donostian egin zen, 1929ko maiatzean, baina bere garaian debekatua izan zen eta urte asko igaro behar izan ziren lehen aldiz pantailaratzeko. Debekuaren arrazoia Asuero doktorearen kontsultara joateko bil zitekeen jendetza izan zen, dokumentalak Donostiako Fernando Asuero medikuak egiten zituen sendaketa harrigarriak azaltzen baitzituen. Dena dela, ez dago oso garbi, zeren eta debekatzeko agindua Asuerok berak eskatu baitzuen.

Asuero kasua[aldatu | aldatu iturburu kodea]

Sakontzeko, irakurri: «Fernando Asuero»

Fernando Asuero oso ospetsu egin zen 1929. urtearen inguruan berak gaixotasun asko sendatzeko metodo berri bat asmatzeagatik. Metodo horren bidez mina kentzen zuen eta, horrela, ibili ezin zutenak, esaterako, gai ziren berriro ere ibiltzeko. Teknikaren oinarria nerbio trigeminoaren manipulazioan zetzan. Askoren ustez ideiak ez zuen inongo oinarririk baina oraindik ere badira planteamendu horren defendatzaileak. 1929an Fernando Asuerok Donostiako hotel batean. Hotel del Príncipe zelakoan, Ramon Maria Lili pasealekuan, klinika bat antolatu zuen eta haren aurrean egunero mundu bat biltzen zen, sarritan histeria gertaerak eta iskanbilak izanik.^[1] Filmak, bere laburtasunean, fenomenoa ondo erakusten du.

Filmaren ibilbidea[aldatu | aldatu iturburu kodea]

Debekatua izan ondoren, filma Espainiako Filmotekan gordea izan zen eta urtetan erabat baztertuta gelditu zen. Azkenik, berreskuratua izan zen eta Donostiako Zinemaldiaren 42. edizioan estreinatu zen, 1994ko irailaren 18an. Estreinatu aurretik, aurkitutako filmaren jatorriaren bila ikertzen aritu behar izan zuten, ezen filmean bertan informaziorik ez zen agertzen. Azkenik, prentsaren bidez dokumentatu ahal izan zen lanaren egilea Sobrevila zela.

Bibliografia[aldatu | aldatu iturburu kodea]

Luis Fernández Colorado: Nemesio Sobrevila o el enigma sin fin. A propósito del film Las maravillosas curas del Doctor Asuero. Euskadiko Filmategia-Filmoteca Española, 1994, 60 or. ISBN: 84-88452-05-5.