Les Luthiers
Les Luthiers Argentinako umore-taldea da, 1967an sortu zena. Carlos López Puccio, Jorge Maronna, Marcos Mundstock, Carlos Núñez Cortés eta Daniel Rabinovichek eratu zuten.
Historia [aldatu]
Sortu zen garaian Buenos Airesen unibertsitateetako ikasleek abesbatza-jaialdiak antolatzen zituzten, eta zenbaitetan umore-ekitaldiak ere egiten zituzten. Hala hasi zen taldea. 1965ean aurkeztu zen, Cantata Laxatón ikuskizunarekin. Ikuskizun hartako berrikuntza nagusia musika-tresna bitxiak ziren, Jorge Maronnak asmatuak eta eginak. Izugarrizko arrakasta izan zuten, eta hainbat kontratu lortu zituzten ikuskizuna errepikatzeko. 1967an hartu zuten Les Luthiers izena.
Talde horren asmoa da musikarekin, ez musikaz, barre egitea. Umore freskoa eta argia dute. Beren ikuskizunak edozein musika-motari omenaldia izaten dira beti. Disko ugari grabatu dituzte, besteak beste: Les Luthiers, volumen 3 (1973), Les Luthiers, volumen 4 (1976), Muchas gracias de nada (1980, "Mila esker ezergatik"), Les Luthiers volumen, 7 (1983).
Zuzenean eskaintzen dituzten ikuskizunen artean aipatzekoak dira: Les Luthiers cantan la ópera (1967, "Les Luthiersek opera kantatzen dute"), Blanca Nieves y los siete pecados capitales (1969, "Edurne Zuri eta zazpi bekatu nagusiak"), Vigésimo aniversario (1987, "Hogeigarren urteurrena") eta Les Luthiers, grandes hitos. (Antología) (1992).
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
