Maude Menten
Wikipedia(e)tik
Maude Menten kanadar kimikaria izan zen (Ontario, 1879 - Ontario, 1960). XX. mendearen hasierako kimikari berritzaileenetako bat izan zen. Torontoko Unibertsitatean egin zituen ikasketak, eta han bertan hasi zen eskolak ematen, Fisiologiakoak, MacCallum laborategian. Dena dela, Kanadatik irten behar izan zuen ikertzaile-karrera jarraitzeko, garai hartan emakumeek ezin zutelako Kanadako Unibertsitatean ikerketan aritu. Rockefeller Institutuan eta Western Reserve University-n aritu zen ikertzaile laguntzaile gisa. Gero Berlinera joan zen, Leonor Michaelisekin batera, eta bien artean "Michaelis-Menten ekuazioa" asmatu zuten; ekuazio hori funtsezkoa izan zen entzima-erreakzio baten lastertasuna adierazteko.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
