Mujeres Creando

Mujeres Creando
Datuak
Mota	collective (en)
Herrialdea	Bolivia
Agintea
Egoitza nagusi	La Pazko departamendua;
Egoitza nagusi	Santa Cruz de la Sierra;
Historia
Sorrera	1992
Sortzailea	Julieta Paredes; María Galindo
	webgune ofiziala;

Mujeres Creando 1992an sortutako mugimendu feminista boliviarra da, kalea da bere jardueren agertoki nagusia. Taldeak adierazpen modu desberdinak erabiltzen ditu, besteak beste, grafitia eta performance-a. María Galindo da taldearen burua.

Historia[aldatu | aldatu iturburu kodea]

Mugimendua 1992an sortu zen Comunidad Creando izenarekin, La Paz-eko periferiako auzo batean, urte berean izena aldatu zuen, Mujeres Creando bihurtuz. Feminismo ez-arrazista ardatz, elitezko emakume pribilegiodunak zein publiko-pribatu edota lan intelektual-eskuzko lanaren dikotomia zalantzan jartzen ditu. Era berean, interpelazioa egiten diote ezkerreko mugimendu politikoari, non lehenengo hiru kideek militatzen ziren. XX. mendearen hasierako anarkismo boliviarra berreskuratzen dute.^[1]

María Galindo, Mónica Mendoza eta Julieta Paredes izan ziren hasierako talde sortzailearen kideetako batzuk, Boliviako lesbiana nabarmen bi barne.^[2] Denborarekin parte-hartzaile berriak sartu ziren, Raiza Zeballos, Mayra Rojas eta Emiliana Quispe adibide.^[3]^[4] Julieta Paredes mugimendutik banandu zen 2004an, gutxi gorabehera.^[5]

Bi autogestio-etxe ditu, eta bertatik jarduera politiko eta kulturalak egiten dituzte. Gainera, ostatua eta elikadura ematen dituzte. Hona hemen: "La Virgen de los Deseos", La Paz hirian eta "Los deseos de la Virgen", Santa Cruz hirian.

Jarduerak[aldatu | aldatu iturburu kodea]

Graffitia[aldatu | aldatu iturburu kodea]

Sortu zenetik, eremu publikoan grafitiekin hartu du parte. Oro har, feminismoarekin zerikusia izan dute eta hainbat alditan polemika eragin dute, batzuk justiziaren eskakizunak eragin dituzte ere.^[6]^[7]^[8]^[9]^[10] 2000. eta 2001. urtean, mugimenduaren kale ekintza eredu artistikoa Sofia Erregina Museoan egon zen ikusgai.^[11]

Radio Deseo[aldatu | aldatu iturburu kodea]

Radio Deseo eta bere Irrati Eskola mugimendu desberdinen oihartzunerako tresna izan da. Yola Mamani eta Victoria Mamani izan dira irratsaio ezagunenak zuzendu dituzten komunikatzaileak.^[12]^[13]^[14]^[15]