NGC 2362

Wikipedia(e)tik
Hona jo: nabigazioa, Bilatu

NGC 2362 Canis Major konstelazioan, gure eguzkitik 5400 argi-urteko distantziara dagoen kumulu ireki bat da, teleskopio txiki batekin ikus daitekeena, Tau Canis Majoris izarrean zentratua, kumuluko izarrik dizdiratsuena dena, baita oso gaztea ere, 4-5 milioi urte bitarteko adinarekin.

Ezaugarriak[aldatu | aldatu iturburu kodea]

Kumuluak O eta B espektru motako hiru bat dozena izar ditu, baita oraindik sekuentzia nagusian sartu ez diren masa baxuko beste 100 bat izar ere, eta, iparraldean, 29 Canis Majoris Beta Lyrae motako izar aldagarri itzaltzailea eta hegoekialdean VY Canis Majoris hipererraldoi gorria eta LBN 667 nebulosa iluna hartzen dituen inguru batean dago. Interesgarriki, gaztea den arren, ez dago nebulosaz inguratua (kumuluko izarren eguzki haizeek kumulua eratu zuten gasa eta hautsa kanporatu dituztela pentsarazi dutelarik).

Bere gaztetasunaren ondorioz, NGC 2362 eguzkiaren antzeko izarren inguruan planeten eraketa ikertzeko aztertua ere izan da.