Nat King Cole

**Nat King Cole**
Datu pertsonalak
Nat King Cole musikaria 1947an New York hirian.
Izen osoa	Nathaniel Adams Coles
Jaio	1919ko martxoaren 17a
	Montgomery, Alabama (Estatu Batuak)
Hil	1965eko otsailaren 25a (45 urte)
	Santa Monica, Kalifornia (Estatu Batuak)

Nat King Cole, jaiotzez izenez Nathaniel Adams Coles (1919ko martxoaren 17a, Montgomery, Alabama - 1965eko otsailaren 25a, Santa Monica, Kalifornia) estatubatuar jazz eta pop abeslaria eta pianojolea izan zen. Telebistako ikuskizun saioetan abestu eta pianoa jotzen agertu zen arraza beltzeko lehen estatubatuar musikarietako bat izan zen. Bestalde, ingeles nahiz gaztelaniaz ere abestu izan zuen.

Bizitza

Lehenengo urteak

Colek hiru anai eduki zituen: Eddie (1910–1970), Ike (1927–2001) eta Freddy (1931-), eta Joyce arrebaordea. Anai guztiak musikan ibiliko ziren bere moduan. Lau urte zituenean, Chicagora joan ziren bizitzera, eta bertan Edward Coles bere aita ministro baptista bilakatu zen. Colek organoa jotzen ikasi zuen bere amarengatik, Perlina Coles, elizako organo-jolea izan zena. 12 urterekin hasi zen ikasten formalki, ez bakarrik jazz eta gospel, baizik eta musika klasiko mendebaldarra ere bai.

Bere auzotegiaren inguruko club-etan Louis Armstrong, Earl Hines eta Jimmie Noone ibiltzen ziren eta eurei entzuten igaro zituen hasierako urte haiek.

Musika ibilbidea

"King Cole Swingsters" izeneko hirukoteak Long Beachen jotzen zuen 1930eko hamarkadaren amaieran, Cole pianoan eta taldeburu moduan, Oscar Moore gitarran eta Wesley Prince baxuan. Irratiari esker "King Cole Trio" hau egin zen ezagun urte haietan. Eta Cole ekin zion abesteari, musika instrumentalarekin tartekatuz, eta 1943an arrakasta lortu zuen "Straighten Up and Fly Right" abestiarekin. Beste "hit" batzuk izan zituen "The Christmas Song" (1946), "(Get Your Kicks on) Route 66" (1946), "Nature Boy" (1948), "Mona Lisa" (1950), "Too Young" (1951) eta "Unforgettable" (1951), jazzetik popera lerratuz.

Bestela 1956an "The Nat King Cole Show" estreinatu zuten telebistan, NBC katean. Garai hartan ezaugarri horiekin lehenengoa izan zen afroamerikar batek gidatuta. Urte horietan, bata bestearen atzetik abesti arrakastatsuak egin zituen: "Smile", "Pretend", "A Blossom Fell" eta "If I May". 1958an Kubara joan zen eta gazteleraz egindako diskoa grabatu zuen, eta hain harrera ona eduki zuen beste bi disko egin zituela hizkuntza hartan.

1960ko hamarkadan ere abesti arrakastatsuak grabatu zituen, besteak beste "Let There Be Love", "Ramblin' Rose", "Dear Lonely Hearts", "That Sunday, That Summer" eta "Those Lazy-Hazy-Crazy Days Of Summer".

Halaber, aktore moduan film labur batzuetan agertu zen, baita telebistako beste saio batzuetan ere.

Azken fasea

1964ko irailean Cole hasi zen pisua galtzen eta bizkarreko min handiarekin. Osasunaren makaltze hau areagotu zen bere bizitza pertsonal eta profesionalaren estresa zela-eta. Azkenean lagunek konbentzitu ahal izan zuten laguntza medikoa bilatzen, eta orduan tumore gaiztoa topatu zioten ezkerreko birikan, erretzaile handia izan zelarik. Lan egiteari uzteko aholkatu arren, Colek segitu zuen eta azkeneko grabaketak egin zituen abenduaren hasieran San Franciscon.

St. John's Ospitalean sartu zuten Santa Monican abenduaren 7an, eta erradioterapia eman zioten. Frank Sinatra bere ordez aritu zen Los Angelesen 5 egun geroago Music Center. Bere egoera okertuz joan zen, baina ospitaletik atera zen urte berri inguruan. Etxean ikusi ahal izan zuen milaka gutun jaso zituela bere gaixotasunaren berria publikoki zabaltzean. Coleren egoerak bestela bere emaztearekiko harreman txarra konpontzen lagundu zuen. Urtarrilaren 25ean ebakuntza egin zioten, ezkerreko birika kenduz. San Balendin egunean baimen berezia jaso zuen emaztearekin itsao aldean pasioan ibiltzeko, eta hurrengo egunean hil zen, 45 urterekin.

Hileta elizkizuna 3 egun geroago egin zuten St. James Episcopal elizan Los Angelesen, 400 pertsonarekin bertan eta kanpoan milakarekin. Aurreko egunean ehundaka pertsona, tartean Robert F. Kennedy, Frank Sinatra, Sammy Davis Jr. edo Jimmy Durante, parte hartu zuten bere katabuta eramaten. Glendalen dago lurperatuta.

Diskografia

Argitaratze urtea	Izenburua	Disketxea
1952	Penthouse Serenade	Capitol Records (Ameriketako Estatu Batuak)
1952	Top Pops	Capitol Records (Ameriketako Estatu Batuak)
1952	Harvest Of Hits	Capitol Records (Ameriketako Estatu Batuak)
1953	Sings For Two In Love	Capitol Records (Ameriketako Estatu Batuak)
1954	Unforgettable	Capitol Records (Ameriketako Estatu Batuak)
1955	Penthouse Serenade	Capitol Records (Ameriketako Estatu Batuak)
1955	Nat King Cole Sings For Two In Love	Capitol Records (Ameriketako Estatu Batuak)
1955	10th Anniversary Album	Capitol Records (Ameriketako Estatu Batuak)
1955	Top Pops	Capitol Records (Ameriketako Estatu Batuak)
1955	The Piano Style of Nat King Cole	Capitol Records (Ameriketako Estatu Batuak)
1956	Ballads of the Day	Capitol Records (Ameriketako Estatu Batuak)
1957	This Is Nat King Cole	Capitol Records (Ameriketako Estatu Batuak)
1957	After Midnight	Capitol Records (Ameriketako Estatu Batuak)
1957	Just One Of Those Things	Capitol Records (Ameriketako Estatu Batuak)
1957	Love Is the Thing	Capitol Records (Ameriketako Estatu Batuak)
1958	Cole Español	Capitol Records (Ameriketako Estatu Batuak)
1958	St. Louis Blues	Capitol Records (Ameriketako Estatu Batuak)
1958	The Very Thought Of You	Capitol Records (Ameriketako Estatu Batuak)
1958	To Whom It May Concern	Capitol Records (Ameriketako Estatu Batuak)
1959	Welcome To The Club	Capitol Records (Ameriketako Estatu Batuak)
1959	A Mis Amigos	Capitol Records (Ameriketako Estatu Batuak)
1960	Tell Me All About Yourself	Capitol Records (Ameriketako Estatu Batuak)
1960	Everytime I Feel The Spirit	Capitol Records (Ameriketako Estatu Batuak)
1960	Wild Is Love	Capitol Records (Ameriketako Estatu Batuak)
1960	The Magic of Christmas	Capitol Records (Ameriketako Estatu Batuak)
1961	The Nat King Cole Story	Capitol Records (Ameriketako Estatu Batuak)
1961	The Touch of Your Lips	Capitol Records (Ameriketako Estatu Batuak)
1962	Nat King Cole Sings, George Shearing Plays	Capitol Records (Ameriketako Estatu Batuak)
1962	Ramblin' Rose	Capitol Records (Ameriketako Estatu Batuak)
1962	Dear Lonely Hearts	Capitol Records (Ameriketako Estatu Batuak)
1962	More Cole Español	Capitol Records (Ameriketako Estatu Batuak)
1962	Swingin' Side Of Nat King Cole	Capitol Records (Ameriketako Estatu Batuak)
1963	Nat King Cole Sings the Blues	Capitol Records (Ameriketako Estatu Batuak)
1963	Those Lazy-Hazy-Crazy Days of Summer	Capitol Records (Ameriketako Estatu Batuak)
1963	Top Pops	Capitol Records (Ameriketako Estatu Batuak)
1963	Where Did Everyone Go?	Capitol Records (Ameriketako Estatu Batuak)
1963	The Christmas Song	Capitol Records (Ameriketako Estatu Batuak)
1964	Nat King Cole Sings "My Fair Lady"	Capitol Records (Ameriketako Estatu Batuak)
1964	Let's Face The Music!	Capitol Records (Ameriketako Estatu Batuak)
1964	I Don't Want To Be Hurt Anymore	Capitol Records (Ameriketako Estatu Batuak)
1965	L-O-V-E	Capitol Records (Ameriketako Estatu Batuak)