Palazzo del Capitano del Popolo (Perugia)

Artikulu hau Perugiako jauregiari buruzkoa da; beste esanahietarako, ikus «Palazzo del Capitano del Popolo».

Palazzo del Capitano del Popolo (Perugia)
Irudi gehiago
Kokapena
Estatu burujabe	Italia
Eskualdea	Umbria
Probintzia	Perugiako probintzia
Italiako udalerri	Perugia
Koordenatuak	43°06′40″N 12°23′24″E
Inaugurazioa	1481
Arkitektura
Arkitektoa	Gasparino d'Antonio (en)

Palazzo del Capitano del Popolo edo Palazzo del Bargello delakoa, jauregi bat da, Perugiako Piazza Matteotti delakoan kokatua, Perugia barrutiko Bulego Judizialen egoitza dena 21. mendean.

Historia

Estilo errenazentistako eraikina da, ukitu gotikoekin, jatorriz hiriko gobernu-organo batzuek okupatua. Horien artean Capitano del Popolo delako karguduna zegoen, Herriaren kapitaina, zeinak funtzio eta botere judizial, administratibo, politiko eta militarrak zituen Podestà agintariaren eta Collegio dei Priori herriko elite aristokratikoen botereen kontrako pisu gisa, zeinak Perugiako botere politiko eta administratibo nagusiaren titularrak ziren.

Eraikinaren eraikuntza 1472-1481 urteetakoa da eta Gasparino di Antonio eta Leone di Matteo jatorri lonbardiarreko bi arkitektoek egin zuten. Jatorrizko bertsioan, eraikinak goian almenak zituen, hiriko Palazzo dei Priori beste jauregiaren antzekoak.

1741eko lurrikararen ondorioz eraikina oso kaltetua izan zen, almenak behin betiko eraitsi ziren eta Luigi Vanvitellik berregituratu eta sendotu zuen eraikina.

20. mende hasieratik Justizia administraziorako erabiltzen da.

Ikus halaber:

• Capitano del popolo
• Bargello

Kanpo estekak

• Artikulu hau, osorik edo zatiren batean, frantsesezko Wikipediako «Palazzo del Capitano del Popolo (Pérouse)» artikulutik itzuli da; zehazki, 2022-03-31ko bertsio honetatik. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.

• Datuak: Q15631519
• Multimedia: Palazzo del Capitano del Popolo (Perugia) / Q15631519