Peugeot

Wikipedia(e)tik
Hona jo: nabigazioa, Bilatu

Peugeot frantziar auto-ibilgailu marka bat da. Peugeot, XIX. mende bukaeran, bizikleta eta kafe-errotak egiten hasi zen.

1974an Peugeotek Citroën ibilgailu marka erosi zuen eta biak batera Europako bigarren ibilgailu egile marka sortu zuten, enpresa taldeari PSA Peugeot – Citroen izena emanez.

407 modeloa.

Peugeot familiaren jatorria ezagutzeko, XIX. mende hasieraraino atzera egin behar da. Jean-Jacques Peugeot, Doubs herri ondoan kokatu zen, kafe-errotak ekoizteko.

1885ean, Armand Peugeot bizikletak egiten hasi zen, eta, gaur egun, Peugeot Cycles izenarekin segitzen du sekzio honek. Gatz eta piper ontzi ekoizle famatuak dira. Oraindik ontzietan lehoi irudiaz dekoratzen segitzen dute. Azkenik 1889an Armand Peugeot autoak egiten hasi zen, jakin gabe gaur egun Europako bigarren auto egile izango zenik, Volkswagen AG auto egilearen atzetik.

Enpresa taldeen bilakaera[aldatu | aldatu iturburu kodea]

  • 1994an PSA Peugeotek, Citroen, Michelini erosi zion
  • 1997an PSA Peugeotek Chrysler Europako filiala erosi zuen.
  • 1980an PSA PSA Peugeot-Citroen bihurtu zen.

Modeloak[aldatu | aldatu iturburu kodea]

Peugeot 3008

1929an 201 modeloa ekoizten hasi zen. Gaur egun Peugoetek 207, 208, 308, 408, 508, 607, 908 auto modeloak ekoizten ditu, besteak beste. Zenbat eta zenbaki altuago, autoak gero eta hobeagoak eta garestiagoak dira.

Peugeoten ezaugarri bat honakoa da: bere modeloak hiru zenbakiren lotura dauka. Lehenengo zenbakiak belaunaldiari erreferentzia egiten dio. Bigarren zenbakia zero zenbakia da, eta marka erregistratua da. Eta hirugarren zenbakiak tamainari egiten dio erreferentzia. Honi lotuta, Peugeot eta Porscheren artean arazoak sortu ziren, Porschek 901 modeloa saltzen hasi zenean. Peugeotek Porsche epailearen aurrera eraman zuen. Epaiketa Peugeotek irabazi zuen. Izan ere, bigarren zenbakia zero marka erregistratua zen. Gaur, enpresa bien artean harreman onak dauzkate. Beste ezaugarri bat zera da: Peugeot auto guztiek lehoi baten irudia eramaten dute.

Kirol lasterketak[aldatu | aldatu iturburu kodea]

Peugeot rallyetan urte askotan irabazle izan zen. Gaur, Citroen izenekin parte hartzen du, eta irabazle izaten da gehienetan, bai gidari lehiaketetan baita ekoizle txapelketetan. Peugeot Le Manseko 24 Orduetan partaide izan da eta garaipenak ere lortu ditu bertan. Peugeotek 1 Formulan ere parte hartu du, baina inoiz ez du lortu garaipenik. Horregatik, 2000an 1 Formula utzi zuen. Peugeoten autoak film askotan ikusi dira.

Gaur egun, Peugeotek egiten dituen autoek ingurumenarekin zerikusi handia daukate. Izan ere, auto gero eta ekologikoagoak izan behar dira. Orain, auto elektrikoa ekoizteko lanetan dabil Peugeot.

Commonsen badira fitxategi gehiago, gai hau dutenak: Peugeot Aldatu lotura Wikidatan