Ramon Bajo ikastetxea
| Ramon Bajo ikastetxea | |
|---|---|
 | |
| Kokapena | |
| Herrialdea |  Euskal Herria |
| Probintzia |  Araba |
| Herria | Gasteiz |
| Koordenatuak | 42°50′58″N 2°40′19″W / 42.84941°N 2.67195°W |
 | |
| Webgune ofiziala | |
Ramon Bajo Gasteizko ikastetxe publiko bat da. Haur eta Lehen Hezkuntza eskaintzen ditu, D ereduan.
2020/21 ikasturtean 220 ikasle inguru ditu.
Kokapena[aldatu | aldatu iturburu kodea]
Gasteizko Alde Zaharrean dago, Eskola kaleko 16. zenbakian.
Historia[aldatu | aldatu iturburu kodea]
Henrike Knörr eta Elena Martínez de Madina Salazarrek idatzitako “Toponimia de Vitoria I – Gasteizko toponimia I[1]” (Euskaltzaindia, 2009) liburuan aipatzen denez 1864an eraiki ziren Eskola kalean bertan udal eskolak.
1980ko urtarrilaren 19an inauguratu zen Eskola kalearen eta Santa Ana kantoiaren ertzean dagoen eraikina[2]. Handik gutxira akordio bat lortu zuten ikastetxearen ondoan zeuden baratzeen jabeek eta Udalak eskolaren patioa handitzeko[3]
2000 urtearen inguran "ghetto-eskola[4]" bat zen, soilik 50 ikaslerekin, gehienak etorkinak eta ijitoak[5]. Alde Zaharreko hainbat elkartek Auzoan Hazi-Hezi-Bizi plataforma sortu zuten, eskola indarberritzeko asmoz. 2003an D eredua ezarri zen eskolan eta handik aurrera biziberritu egin da.
2014ko urtarrilean amaitu zen Haur Hezkuntzako gunearen eraberritzea, Europa iparraldeko pedagogia eredua jarraituz[6].
Kultura ondarea[aldatu | aldatu iturburu kodea]
Ikastetxearen parte da Eskola kaleko 12 etxea. Eusko Jaurlaritzak Gasteizko Alde Zaharreko monumentu multzoan sailkatuta dauka[7], Gasteizko kultura ondasunen barruan.
Horma irudia[aldatu | aldatu iturburu kodea]
2018ko udan Auzoan hazi, hezi eta bizi horma-irudia inauguratu zen Santa Ana kantoiko horman[8].
Guraso elkartea[aldatu | aldatu iturburu kodea]
Basartea[9] guraso elkarteak eskolaz kanpoko ekintzak eta bestelako jarduerak antolatzen ditu.
Erreferentziak[aldatu | aldatu iturburu kodea]
- ↑ Gasteizko Toponimia. Euskaltzaindia.
- ↑ (Gaztelaniaz) Norte Expres (Norte Expres).
- ↑ (Gaztelaniaz) Norte Expres.
- ↑ Ghetto-ikastetxeen egunerokoa. .
- ↑ Ramon Bajo ikastola. .
- ↑ Ramon Bajo ikastetxearen eraberritzea. Gasteizko Udala.
- ↑ Eskoletako kalea 12 etxea. .
- ↑ «Ramon Bajoko horma-irudia inauguratu dute» Alea.
- ↑ Ramon Bajoko Guraso Elkartea. .
| Autoritate kontrola |
|
|---|
Datuak: Q57387571