Rufino Iraola
- Artikulu hau idazle zaldibiarrari buruzkoa da; beste esanahietarako, ikus «Iraola».
| Datu pertsonalak | ||
|---|---|---|
| Izen osoa | Rufino Iraola Garmendia | |
| Jaio | 1945eko azaroaren 5a (78 urte) | |
| Zaldibia (Gipuzkoa) | ||
Rufino Iraola Garmendia (Zaldibia, Gipuzkoa, 1945eko azaroaren 5a - ) euskal idazle eta bertsozalea da.
Biografia
Bere ibilbide literarioa 1994an hasi zen, Irun Hiria ipuin lehiaketa irabazi zuenean Dena dago zatitxo baten baitan liburuarekin.
2001ean Hire magalean argitaratu zuen. Bertan senar-emaztegai izandako fraide baten eta moja baten arteko harremana kontatzen da haiek elkarri idatzitako gutunen bidez.
Bertsolaritzan aditua da, eta bertsoak idatzi ez ezik, bertsoei buruzko iruzkinak ere egiten ditu. Bertso idazle gisa sari asko irabazitakoa da, eta hainbat egunkari eta aldizkaritan argitaratzen ditu bertsoei buruzko bere iruzkinak. Gainera, epaimahaikide izan da bertsolari txapelketa eta lehiaketa askotan.
Bereak dira Artxanberriren ziriak, Patxi Errotaren ugaritasuna, Jainkoaren ateraldiak (1999) eta Ñañarriri begira (2003) bertsolaritzako liburuak, Zaldiarangoak (2000) kontakizun liburua, Biziaren bisutsak (2000) artikulu-bilduma, eta Abaraska (2000) aforismo liburua.
Lanak
Narrazioa
- Dena dago zatitxo baten baitan (1994, Kutxa)
- Zaldiarangoak (2000, Hiria)
- Hire magalean (2001, Alberdania)
Artikuluak
- Biziaren bisutsak (2000, Hiria)
Bertsoa
- Artxanberriren ziriak, Patxi Errotaren ugaritasuna, Jainkoaren ateraldiak (1999, Sendoa)
- Ñañarriri begira (2003, Sendoa)
Aforismoak
Kanpo loturak
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.