Sacco eta Vanzetti auzia
Sacco eta Vanzetti auzia Estatu Batuetan XX. mendeko lehen herenean gertatu zen politika-auzia da. 1920. urtean, Nicola Sacco eta Bartolomeo Vanzetti italiar etorkin anarkistak atxilo hartu eta South Braintreeko enpresa bateko zaindaria eta kutxazaina hil izana egotzi zieten. Epaitu ondoren, heriotza-zigorra ezarri zieten, frogak argiak ez ziren arren, eta beste atxilotu batek auzian errurik ez zutela segurtatu bazuen ere.
Zigorra zazpi urtez atzeratu zen arren, 1927an hil zituzten, ordurako garbi bazegoen ere Sacco eta Vanzettiri egozten zitzaizkien hilketak Celestino Madeiros izeneko gaizkile batek eginak zirela. Anarkisten heriotzak amerikar eta europar ezkertiarren haserrea piztu zuen, oldar xenofobo eta kontserbadorearen ondoriotzat hartuta. 1977an, Ameriketako Estatu Batuetako Gobernuak errugabetzat eman zituen bi italiarrak.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo loturak
 |
Wikimedia Commonsen badira fitxategi gehiago, gai hau dutenak: Sacco eta Vanzetti auzia  |
- Sacco e Vanzetti - Il Caso Politico (Italieraz)
- Saccoevanzetti.org (Ingelesez)