Sandra Golpe
| Sandra Golpe | |
|---|---|
| Bizitza | |
| Jaiotza | San Fernando, 1974ko ekainaren 19a (49 urte) |
| Herrialdea |  Espainia |
| Hezkuntza | |
| Hizkuntzak | gaztelania |
| Jarduerak | |
| Jarduerak | kazetaria eta telebista aurkezlea |
| Jasotako sariak | |
    | |
Sandra Golpe Cantalejo (San Fernando, Cádiz, 1974ko ekainaren 19a) cadiztar kazetaria eta telebistako aurkezlea da.[1][2][3]
Biografia[aldatu | aldatu iturburu kodea]
Kazetaritzan lizentziatu zen Nafarroako Unibertsitatean, eta Ikus-entzunezko Kazetaritzako Masterra egin zuen Ikus-entzunezko Kazetaritzako Espezialisten Institutuan (IEPA). Kazetaritza-hastapenak Diario de Cádiz egunkarian izan zituen, eta hantxe jardun zuen lanean ikasketak egin bitartean.
Ibilbide profesionala[aldatu | aldatu iturburu kodea]
1997an, Vía Digitalaren sorreran parte hartu zuen, eta ekoizpen- eta gauzatze-lanak egin zituen plataforma horretako autosustapen sailean.
1998an, erredaktore-, ekoizle- eta kazetari-lanetan aritu zen COPEn -Aste Bukaerako informazio-zerbitzuak-, eta jarduera hori zenbait enpresarentzako publizitate-lokuzioekin uztartu zuen. CNN+ katean lan egiten hasi baino hilabete batzuk lehenago, albistegiak eta musika-saioak aurkeztu zituen Canal 7 katean, Madrilgo tokiko telebistan.
CNN+-en lan egin zuen sortu zenetik, 1999ko otsailetik, eta hamar urte inguru eman zituen kanalean, 2008ko urrira arte. Lehenik, autopromozioen sailean sartu zen, copy eta esatari gisa.
Aldi berean, kateko gaikako guneak aurkeztu zituen eta informazio-zerbitzuetako aurkezleak ordezkatu zituen. Autopromozioen sailetik erredaktoreen plantillan sartu zen. 2004az geroztik, asteburuko albisteak aurkeztu zituen CNN+-en. Horrekin batera, "Globalización XXI" erreportaje-saioa zuzendu eta aurkeztu zuen.[4][5] Katearen bosgarren urteurrena zela eta, balantzea egin eta hauexek nabarmendu zituen:
Bost urte horietatik oso oroitzapen onak ditut, baina burura datorkidan lehenengo gauza 'aukera' hitza da. CNN+-en plantillan sartzean eman zidatena, emisioak hasi behar ziren unean bertan. Autopromozioen sailetik informazio jarraituko sortu zen lehen Espainiako kanalean egon nintzen. Garai hura maitasun handiz gogoratzen dut. Zerotik abiatuta, estilo bat definitu behar zen, autopromozioek telebista honek ikusleari eskaintzen zion berehalakotasunari erantzun behar zioten... Erronka handia.
Esperientzia da urteurren honek iradokitzen didan bigarren hitz saihestezina. Lanurteek eta eginbeharrek ematen dute baliabide honen nondik norakoak ezagutzeko aukera. Zortea izan dut hainbat sailetatik pasatzeko, erredakzioan ofizioa lortzeko, albisteak eta saioak aurkezteko, kalean erreportari gisa jarduteko. Une garrantzitsuak ere gordeko ditut, hala nola irailaren 11a edo Sadgam Huseinen harrapaketa, non albisteak lanean harrapatu ninduen eta dagoeneko Historiaren parte diren gertaerak konta nitzakeen.
Baina denbora honetan guztian niretzat garrantzitsuena orduak partekatzea eta giza talde bikain batetik ikastea izan da, CNN+ osatzen duten guztien taldea. Askotan esan dezaket lanbideak ez didala adiskidetasuna galarazten. Lagunez inguratuta egoteak, nire eguneroko lana, lana baino gehiago bihurtu du.
2008ko urriaren 1ean, Antena 3ek fitxatu zuen, eta Las noticias de la mañana aurkeztu zuen, Luis Fraga eta Javier Albarekin, kiroletan, data horretatik 2012ko uztailera arte. Era berean, Ramón Praderarekin batera, asteburuko albisteak aurkeztu zituen, Lourdes Maldonadoren ordez amatasun baja hartu baitzuen 2008ko azarotik 2009ko maiatzera.
Susanna Grisoren oporretan Espejo público saioa aurkeztu zuen 2009ko Aste Santuan, eta lan hori bera egin zuen 2016ko udan.
2012ko irailaren 3tik 2014ko irailaren 7ra, Antena 3 Noticias de fin de semana aurkeztu zuen Álvaro Zancajorekin. 2014ko irailaren 10etik 2016ko uztailera Antena 3 Noticias 2 gidatu zuen, berriz Álvaro Zancajorekin batera. 2016ko irailaren 12tik 2017ko ekainera Antena 3 Noticias 1, Maria Rey izan zuen aurkezle kide eta zuzendarikide, eta Rocío Martínez kiroleetan, Vicente Vallésekin batera aurkeztu eta zuzendu zuen Antena 3 Noticias 2.[6]
2017ko irailaren 4tik aurrera, Antena 3 Noticias 1 aurkeztu eta zuzendu zuen bakarrik, astelehenetik ostiralera.
Gainera, La Razón taldeko zutabegile eta Onda Cero irratiko Más de uno saioan ohiko tertuliakide aritu da.
2022an, Tu cara me suena 9 saioko kantari gonbidatua izan zenean, Amy Winehouse imitatu zuen; Tu cara me suena 10 saioan, ostera, Miley Cyrus 2023an
Erreferentziak[aldatu | aldatu iturburu kodea]
- ↑ (Gaztelaniaz) «Sandra Golpe, presentadora de Antena 3 Noticias» www.antena3.com (Noiz kontsultatua: 2024-02-08).
- ↑ (Gaztelaniaz) Vara, Laura G.. (2023-04-24). «Así era Sandra Golpe hace una década, antes de presentar los informativos de Antena 3» vanitatis.elconfidencial.com (Noiz kontsultatua: 2024-02-08).
- ↑ (Ingelesez) J, Francine. (2023-02-10). «Sandra Golpe【 Estatura altura, edad, novio marido, hijos, hija, medidas 】» Marathi.TV (Noiz kontsultatua: 2024-02-08).
- ↑ Baragaño, Techu. (2003-11-19). CNN Plus renueva las caras de la cadena en su quinto aniversario. ISSN 1134-6582..
- ↑ elEconomista.es. «Sandra Golpe Cantalejo - biografia - Ecoteuve.es» ecoteuve.eleconomista.es.
- ↑ «Antena 3 Noticias pone en marcha una nueva temporada» Antena 3 Noticias 2018-07-03.
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q9073846