City of London

City of London
City of London barrutiaren aireko ikuspegia.
Estatua Herrialdea Eskualdea	Erresuma Batua Ingalaterra Londres
City of London Barrutiaren kokapena Londres Handian.
Koordenatuak:	51.5155°0′0″N 0.0922°0′0″E
Azalera	2,9 km²
Garaiera	6-18 m
Biztanleria	7.900 (2008)

City of London deituriko auzoa Londresko hirigunea da. Erresuma Batuko finantzen udalbarruti garrantzitsuena da, bai eta munduko nagusienetarikoa ere. Historian zehar, Londres hiria Cityaren eta West Enden inguruan egituratu izan da. Azkenengo hamarkadetan, izugarrizko eraikinak jaso dituzte Cityan; adibidez, Tower 42 (1990era arte Ingalaterrako eraikinik altuena, "Nat West Tower" gisa ezagutua) eta orain dela gutxiko 30 St Axe, 2003an egindakoa eta, bere itxura dela eta, the Gherkin edo '(ozpinetako) pepinoa' ere deitua.

Ondarea

Cityan daude, besteak beste, San Paulo katedrala, Londresko dorrea eta Tower Bridge ("Dorreko zubia") zubi ezaguna, hiriaren ikur bereizgarrietako bat. Bestalde, Londresko alde honetako biztanleria oso eskasa da (7.000 biztanle inguru), baina lanegunetan 300.000 pertsona baino gehiago biltzen dira bertan. Horrenbestez, asteburuetan nahiko toki bakartia izaten da. Azkenengo urteotan, hainbesteko pilaketa dela eta, Canary Wharf auzoa nabarmendu da City-aren ordezko finantza-gune izateko.

Eraikinak

• 30 St Mary Axe
• 99 Bishopsgate
• Broadgate Tower
• Bishopsgate Tower
• Heron Tower
• Tower 42

Ikus, gainera

• Londresen banaketa administratiboa
• Central London

Kanpo loturak

• (Ingelesez) Auzoko gobernuaren webgunea.