The Remains of the Day (filma)
The Remains of the Day (euskaraz Egunaren Hondarrak) 1993ko James Ivory estatubatuar zinema zuzendariaren drama filma bat da. 1989ko Kazuo Ishiguro japoniar idazlearen The Remains of the Day eleberrian oinarritua dago. Bertan, Anthony Hopkins, Emma Thompson, James Fox, Christopher Reeve, Hugh Grant, Peter Vaughan eta Ben Chaplin aktoreek anteztu zuten.
Zortzi Oscar Sarietarako izendapenak jaso zituen, nahiz eta bat bera ere ez irabazi izan.
Argumentua
1958, Stevens (Anthony Hopkins), maiordomo perfekzionista eta leiala Ingalaterrara itzuli da. Orain Lewis (Christopher Reeve) estatubatuar aberatsarentzat lan egiten du, azken hau orain dela hogei urte Stevensek maiordomo eta pertsona gisa bere urterik onenak bizi izan zituen Darlington Hall etxaldeko nagusi berria delarik. Garai zaharretan etxalde hartan 1930eko hamarkadako politikari eta pertsonaia nabarmenenak bildu ohi ziren, Europan garrantzizko gertakariak izango zirenei buruz mintzatzera. Abagagune horrek Stevensi garai hartako eztabaida politiko garrantzitsu askoren lekuko izateko aukera eman zion. Era berean, bere bizimodu errutinarioak sekulako aldaketa jaso zuen, giltzazain berria den Kenton andereinoaren (Emma Thomson) ailegatzea. Stevens hartaz isilpean maiteminduko da, Kenton andereinoa ere hartaz maiteminduko da, baina Stevensek bere lanari erabateko lehentasuna eman eta bere sentimenduak sekretuan gordeko ditu, horrek ekarriko dion frustrazioarekin.
Aktoreak
- Anthony Hopkins: Stevens
- Emma Thompson: Kenton andereinoa
- James Fox: Lord Darlington
- Christopher Reeve: Lewis
- Michael Lonsdale: Dupont d'Ivry
- Peter Vaughan: William Stevens, Stevensen aita
- Hugh Grant: Kardinala, Lord Darlingtonen semea
- Lena Headey: Lizzie