Hugh Grant

Wikipedia(e)tik
Hona jo: nabigazioa, Bilatu
Hugh Grant
Hugh Grant
Datu pertsonalak
Izen osoa Hugh John Mungo Grant
Jaio 1960ko irailaren 9a (53 urte)
Hammersmith, Londres, Ingalaterra (Ingalaterra)
Lan nabarmenenak Four Weddings and a Funeral
The Englishman Who Went Up a Hill But Came Down a Mountain
Notting Hill
Bridget Jones's Diary
Sariak Urrezko Globoa
IMDB IMDBko fitxa

Hugh John Mungo Grant (Londres, 1960ko irailaren 9a - ) aktore eta zinema ekoizle ingelesa da.

Biografia[aldatu | aldatu iturburu kodea]

Hugh Grantek zineman hainbestetan interpretatu duen jaun britainiarraren antza dauka. 1960ko irailaren 9an jaio zen Londresen eta Glenmristongo Grant familia anglo-eskoziarraren ondorengoa da[1]. Eskolarik onenetara joan zen beti eta Ingeles Literaturan graduatu zen Oxfordeko Unibertsitate ospetsuan[2]. Berarentzat antzezpena denbora-pasa zenez, Oxfordeko Antzerki Taldera batu zen Twelfth Night produkzioan parte hartzeko. Horren ostean eta zazpigarren artean buru-belarri aritu baino lehen, literatura kritikari, telebistarako esketx komikoetako idazle eta irratirako iragarkietako idazle moduan lan egin zuen.

Pantaila handiko galaietariko bat da, ingeles dandy estiloa sedukzio armatzat dauka eta bere irribarreak barruan daukan pikaroa iradokitzen du. Zaila izango litzateke Hugh Grant bereziaren komedia erromantikoetako bat ikusi ez du emakumeren bat aurkitzea[3].

Chris Lang eta Andy Taylor lagunekin hasi zuen bere ibilbide profesionala, hain zuzen, The Jockeys of Norfolk komedia sortzen, eta hainbat antzerki-lanetan ere parte hartu zuen[4]. Baina bere lehenengo paper garrantzitsua 1987an heldu zen E.M. Fosterren eleberri baten moldaketarekin, Maurice izena zuen. Berak eta beste protagonistak, James Wilbyk, Veneziako Zinema Jaialdiko aktore hoberenaren saria partekatu zuten. Urte hartan, Remando al viento produkzio espainolean parte hartu eta bertan, 13 urtez bere bikotea izango zena ezagutu zuen, Elizabeth Hurley.

1980ko hamarkadaren amaieraren eta 1990eko hamarkadaren hasieraren artean, ez zuen zorte askorik izan zineman eta, 1992an Roman Polanskik turista ingeles astun bati bizitza emateko aukeratu zuen arren, 32 urte zituenean interpretazioa uzteko zorian egon zen. Baina Four Weddings and a Funeral filmak bizitza aldatu zion 1994an. Pelikulak nazioarteko izar eta Urrezko Globo baten irabazle bihurtu zuen Hugh Grant[5].

Artista askori gertatu izan zaien moduan, Grantek bere proiektuak garatu nahi izan ditu beti. Lehenengoa Nine Months komedia (1995) izan zen, ikusleei asko gustatu zitzaiena, baina ez hainbeste kritikoei. 1996an, berriz, ekoizle gisa estreinatu zen Extreme Measures thrillerrarekin.

Hiru urte beranduago, Julia Robertsekin batera aldez aurretik lortu zuen errekorra gainditu zuen; Nothing Hillek Four Weddings and a Funeral zintari tokia kendu zion eta Britainia Handiko arrakastarik handiena bilakatu zen. Baina txanpon guztiek gurutze bat daukate, eta urte hartan argitaratu zuen proiektu pertsonalak (Mickey Blue Eyes) harrera eskasa izan zuen.

2001ean, Renée Zellweger aktorearekin lan eginda, azken boladako komedia ezagunenetariko bat grabatu zuen: Bridget Jones's Diary. Daniel Clever editorearen papera jokatu zuen eta interpretazio bikain hark 281 milioi dolar irabazten lagundu zuen.

Nahiz eta aktore ingelesak beste genero batzuetan lan egin nahi izan, eskaintzen dizkioten paper gehienak komedia erromantikoetarako dira. Horren adierazle dira 2002tik egin dituen film luzeak: Two weeks notice (2002), Love Actually (2003) eta Bridget Jones's Diary filmaren jarraipena (2004)[6]. Beharbada interpretazio mota hauetaz nekatuta edo Jeminna Khan aberatsarekin zuen erlazioaz gozatzeko, 2004an erretiroa hartu zuen eta 2006an Reality Showei buruzko beste komedia batekin itzuli zen, American Dreamz pelikularekin.

Zineman ikusi genuen azken aldian, Drew Barrymorekin izan zen 2007an. Lan horretan, bere seduzitzeko ahalak lantzeaz gain, dantzatzen, abesten eta pianoa jotzen ikasi behar izan zuen. Gaur egun, bere lan erritmoa moteldu egin da eta ez da ekitaldi publikoetara hainbeste joaten. Proiektu berriak iritsi artean, golfa edo cricketa bezalako zaletasunetan ematen du denbora.

Hugh Grantek arrakasta asko lortu du eta diru asko irabazi du antzezten. Aktore handia da eta inork ez du zalantzan jartzen bere kalitatea. Arazoa honakoa da: beste zinema genero batzuk lantzen utzi ez, eta horretan lerrokatu dela edo lerrokatu dutela.

Filmografia[aldatu | aldatu iturburu kodea]

Filmak[aldatu | aldatu iturburu kodea]

Urtea Filma Pertsonaia
1982 Privileged Lord Adrian
1987 Maurice Clive Durham
1988 Remando Al Viento Lord Byron
The Lair of the White Worm Lord James D'Ampton
The Dawning Harry
The Bengali Night Allan
White Mischief Hugh Cholmondeley
1990 The Big Man Gordon
1990 Impromptu Frederic Chopin
1992 Bitter Moon Nigel Dobson
1993 The Remains of the Day Reginald Cardinal
Night Train to Venice Martin Gamil
1994 Four Weddings and a Funeral Charles
Sirens Anthony Campion
1995 Restoration Elias Finn
Sense and Sensibility Edward C. Ferrars
Nine Months Samuel Faulkner
The Englishman Who Went Up a Hill But Came Down a Mountain Reginald Anson
An Awfully Big Adventure Meredith Potter
1996 Extreme Measures Dr. Guy Luthan
1998 Junket Whore Bera
1999 Mickey Blue Eyes Michael Felgate
Notting Hill William Thacker
2000 Small Time Crooks David
2001 Bridget Jones's Diary Daniel Cleaver
2002 Two Weeks Notice George Wade
About a Boy Will Freeman
2003 Love Actually David
2004 Bridget Jones: The Edge of Reason Daniel Cleaver
2005 Travaux, On Sait Quand ça Commence... Cameo: auzokide berria
2006 American Dreamz Martin Tweed
2007 Music and Lyrics Alex Fletcher
2009 Did You Hear About the Morgans? Paul Morgan

Telebista[aldatu | aldatu iturburu kodea]

Urtea Telesaila Pertsonaia Oharrak
1985 Honour, Profit and Pleasure Lord Burlington Telefilm
Jenny's War Peter Baines Telefilm
The Detective Andrew Blackenall Telesaila
The Last Place on Earth Apsley Cherry-Garrard Telesaila
1986 Lord Elgin and Some Stones of No Value William Hamilton Nisbet/James Telefilm
The Demon Lover Robert Drover Telefilm
Ladies in Charge Gerald Boughton-Green Telesaila
A Very Peculiar Practice Preacher Colin Telesaila
1989 Judith Krantz's Till We Meet Again Bruno de Lancel Telesaila
Champagne Charlie Charles Heidsieck Telefilm
The Lady and the Highwayman Lucius Vyne/Silver Blade Telefilm
1991 The Trials of Oz Richard Neville Telefilm
Our Sons James Grant Telefilm
1992 Shakespeare: The Animated Tales Sebastian Telefilm
1994 The Changeling Alsemero Telefilm
1999 Hooves of Fire Blitzen (ahotsa) Telefilm
Doctor Who and the Curse of Fatal Death The (Handsome) 12th Doctor Telesaila
2001 Being Mick Bera Telefilm
2002 Legend of the Lost Tribe Blitzen (ahotsa) Telefilm

Erreferentziak[aldatu | aldatu iturburu kodea]

  1. Gilchrist Jim Stars dig up surprises with their ancestors The Scotsman egunkaria, 2005
  2. Previous Judges: Hugh Grant
  3. Peter Travers Reviews: Love Actually Rolling Stone aldizkaria, 2003
  4. John Sturgis Pub Theatre that launched host of stars fights final curtain call Evening Standard egunkaria, 1998
  5. Sharon Knolle eta Liza Foreman Scribe's alter ego evolves on celluloid Variety aldizkaria, 2002
  6. Rotten Tomatoes: Hugh Grant
Commonsen badira fitxategi gehiago, gai hau dutenak: Hugh Grant Aldatu lotura Wikidatan