Udondoko zubia

Udondoko zubia
	Irudi gehiago
Kokapena
Herrialdea	Euskal Herria
Probintzia	Bizkaia
Herria	Leioa
Koordenatuak	43°18′56″N 2°59′32″W / 43.315486°N 2.9922°W
Gurutzatzen du	Gobela

Udondoko zubia Gobela eta Udondo ibaien bokalea zeharkatzen duen zubia da, BI-711 errepidearen zati bat izanik. Leioako Udondo auzoan dago, Erandioko Axpetik hurbil. Leioako Udondo auzoan eta Udondo errekaren gainetik (bai Leioan bai Erandion) badaude beste zubi honentzat izen hau erabili da.

Historia[aldatu | aldatu iturburu kodea]

XIX. mendearen erdian bazegoen harrizko hiru arkutako zubia Udondo errekaren bokalearen gainean (garai hartan Gobela erreka Getxoko Areetako gunean bukatzen zelarik). Baina Hirugarren Karlistaldian Bilboko inguruetako hainbat zubi hondatu zuten, Udondoko hau eta Bilboko Areatzakoa barne. Horregatik Adolfo de Ibarretak diseinatutako behin behineko zurezko zubia eraiki zen.

1876an Bilboko Areatzako Zubi berriari ekin zitzaion, zaharraren hondakinak kenduz. Bizkaiko Herri Lanen Injeniari Burua zen Pascual Landaren proposamenaz zubi honetako burdinazko arku bat Udondokoan erabili zen.

XX. mendearen erdian, Bilbao eta Getxoko Areeta lotzen dituen errepidea zabalagoa egin zen, eta burdinezko estrukturari hormigoizko beste bat itsatsi zitzaion. Gaur burnizko arkuak bakarrik Ibaizabalgo itsadarretik ikus daitezke.^[1].