Zugarramurdiko Sorginen Museoa

Zugarramurdiko Sorginen Museoa; Induburua etxea
Kokapena
Herrialdea	Euskal Herria
Probintzia	Nafarroa Garaia
Udalerria	Zugarramurdi
Koordenatuak	43°16′N 1°32′W / 43.27°N 1.54°W
Historia eta erabilera
Irekiera	2007ko uztailaren 20a
Arkitektura
	Webgune ofiziala

Zugarramurdiko Sorginen Museoa Nafarroako Zugarramurdi udalerrian dagoen museo bat da. Induburua etxea eraikinean dago.

Museoaz gain Zugarramurdiko leizeak ere bisitatu daitezke, bata bertzearengandik hulbil baidaude.

Kokalekua[aldatu | aldatu iturburu kodea]

Herrigunean dago, Beitikokarrikaren 22. zenbakian.

Historia[aldatu | aldatu iturburu kodea]

Etxea antzinakoa da, museoa aldiz 2007ko uztailean inauguratu zen.

Museoa[aldatu | aldatu iturburu kodea]

Museoak Zugarramurdiko memoria historikoa iraunarazi eta garai hartako jendearen bizimodua nolakoa zen erakutsiko duen lekua izan nahi du. Garai hartako gizarte-egoeraren, sorginenganako benetako izuaren, eta bere agintea nola edo hala inposatu nahi zuen inkisizioaren biktima izan ziren pertsonei, gizon-emakumeei, eskainitako omenaldia izan nahi du. Dolurako eta oroimenerako gunea, istorio interesgarriak zehatz-mehatz baina aldi berean modu atseginean eta erakargarrian kontatzeko gunea, argi eta obskurantismo ñabardurak emanez. Sorginen inguruan gaur egun arte izan den folklorismoa hautsi asmo du. Bertzelako errealitatea landu nahi du, gertakari sinesgaitzez akusaturik izan ziren, fantasiazko kontakizunetan sartu zituzten, eta azkenik sutan erreak izan ziren gizon-emakume haien errealitatea.

Horren guztiaren gibelean, elezaharrez eta mitologiaz beteriko mundu zoragarri bat dago. Protagonista nagusiak Mari eta Aker ditugu, festez eta erritu paganoz, eta herri-medikuntzak zuen sustrai luzeez inguraturik.

Florentzio Idoatek, Aita Barandiaranek, Julio Caro Barojak, Gustav Heninngsen, Jose Dueso, J. Paul Arzac eta Koro Irazokik, bertzeak bertze, egindako ikerketa-lanak oinarri izan dira bere ondarea babestea eta turismo-baliabideak lantzea bateratzen dituen proiektu honetan.