Barattarna

Barattarna, Mitanniko errege bat izan zen, K.a. XV. mendearen lehen erdian errege izan zena.

Mitanniko erregetzat hartzen da, bere basailua zen Alalakheko Idrimiren inskripzio batean "hurritar tropen erregea" bezala agertzen den arren. Bere erregealdia, hititen inperioaren gainbehera garai batean izan zen, eta Egiptoren aktibotasun ez garai batean, eta, beraz, mendebalderantz hedatu ahal izan zen, Alepo hartuz.

Iturri egiptoarrek ez dute aipatzen, baina K.a. 1447. urtean Megidoko guduan Tutmosis III.ak garaitu zuen erregea izan zela ebatzi daiteke, egiptoar tropek, Kadesh hiria buru zuen koalizio siriar baten aurka borrokatu zutenean, bertan Mitannik parte hartu zuelarik. Faraoi beraren bigarren espedizio bat ere aipatzen dute, Eufrates ibaitik nabigatu eta mitanniarrak garaituko zituena. Edozein kasutan, egiptoar garaipen hauek, ez zuten, ondorio bezala, lurrak konkistatzea izan.

Barattarnaren ondoren, Nuziko inskripzio batean, Parshatar izena agertzen da, baina ez dago batere argi Barattarna bera edo beste errege ezezagunen bat ote den, oraindik berari buruz ezer ez dakigularik.