Apolonia Lapiedra

Apolonia Lapiedra (jaiotze izena: Samantha Sánchez Martínez; Hellín, Albacete, 1992ko apirilaren 27a - ) espainiar aktore pornografikoa da. 2015eko hasieran egin zuen debuta, Ramiro Lapiedra zinema zuzendari pornografikoarekin harremana hasi ondoren. Bere izen artistikoa The Godfather filmeko pertsonaia bati zor dio.

Nekazaritzan lan egin zuen, helduentzako zineman bere ibilbidea hasi aurretik. Hilabete gutxiren buruan, publikoak egindako balorazio onari esker, Mofos, Private, Bangbros, Joymii, Vivthomas, Sextar, Metart edo Wow Girls bezalako konpainietan filmatu ahal izan du.

2015eko urrian, bi Ninfas sari irabazi zituen Bartzelonako Nazioarteko Zinema Erotikoaren Jaialdian, horietako bat urteko emakumezko aktore berri onenari. Espainiako Primera Línea aldizkariaren azala ere izan da, baita Europako zinema helduetan espezializatutako Hot Video aldizkari frantsesarena ere. 2020an erretiratuko zela iragarri zuen.

Kanpo estekak