Emak Bakia Baitaren eskutik eta Gasteizko helbidez kaleratu zen Garziarena 1992ko azaroan: "Hori da kontua, elkarrekin batera pentsatzea; elkarri jakinaraztea noizbait ikusi, irakurri edo pentsatu genuena. Ahal duen neurrian, Garziarenak horretan lagunduko du". Ia hilabetekaria izan zen agerkariak (hamaika zenbaki orotara) artikulu, gutun eta iritziak jaso zituen, denak Garziarena deituraz sinatuak. Bi ale plazaratu ziren 1992an (azaroan eta abenduan), zazpi 1993an, eta bi 1994an (otsailean eta ekainean). Animalia irudiez apaindurik argitaratu ziren Garziarenak: elefanteak, hipopotamoak, rinozeroak, igelak, dortokak, azeriak, jirafak, kanguruak... Honela esan zuen agur: "Gehitu diogu geure papurra modernitate euskaldun baten lerro dudatiari"
Euskal Herria
Datuak: Q19947912