Bizum

Bizum
Jatorria
Sorrera-urtea	2016
Ezaugarriak
	bizum.es

Bizum Espainian diharduen ordainketa zerbitzu-hornitzailea da, erabiltzaileen artean diru transferentziak eta dendetan erosketak egiteko balio duena.

Historia

2016an sortu zen eta ekainaren 27an Madirlen eratu; Bizum Sociedad de procedimientos de Pago SL enpresarena da.^[1] Enpresa horren kapital soziala 29 banketxeren artean banatuta dago; banketxe haiek, guztira, Espainian % 95eko merkatu-kuota dute, baina banku batek ere ezin du akzioen % 24 gainditu.^[2]

Zerbitzuak aukera ematen du erabiltzaileen artean ordainketak egiteko aplikazio mugikorra erabiliz eta hartzailearen telefono-zenbakia soilik ezagututa, eragiketa bakoitzeko 0,50 eta 500 euro arteko zenbatekoetarako. Egun batean bezero bakoitzeko jasotako eragiketen gehieneko zenbatekoa 2.000 eurokoa da. 2018a amaitzean, 2,5 milioi erabiltzaile zituen, eta 700 milioi euro transferitu zituen plataformaren truke. 2022ko lehen hiruhilekoan 19,6 milioi erabiltzaile zituen.

Erabiltzaileak dirua bidali nahi duenean, egiaztapen-testuko mezu bat jasoko du, kode batekin batera aplikazioan sartu beharko duena. Behin hori eginda, transakzioa eginda geratzen da eta beste erabiltzaileak berehala jasotzen du. Une horretan, hartzaileak beste testu-mezu bat jasoko du, transferitutako dirua benetan onartzen duela berretsiz, eta une horretan bere kontuan eskuragarri egongo da. Eragiketa guztia erabiltzaileek kontsulta dezaketen historia batean erregistratzen da.

Oraingoz, bezeroei erabiltzaileen arteko berehalako transferentzia-zerbitzua eskaintzeko Bizumekin jarduten duten finantza-erakundeetan ohikoa da doakoa izatea, baina banku bakoitzaren politiken araberakoa da. Transferentzia bakoitzean baimendutako diru-muga ere ez dago estandarizatuta, ezta zenbat egin daitezkeen ere; aitzitik, erakunde bakoitzak baimendutako eragiketa-kopuru batzuk eta -kopuru maximo bat ezartzen ditu.

Bizumen alternatiba Europan, edo hobeto esanda, haren hedapena SPL (SEPA Proxy Lookup) da, SEPA Request-to-Pay (SRTP) eskeman oinarrituta.

Entitate parte-hartzaileak

Entitate parte-hartzaileak^[3]
Izena	Mota
CaixaBank	Banketxea
Banco Santander	Banketxea
BBVA	Banketxea
Banco Sabadell	Banketxea
Unicaja (UniPay)	Banketxea
Bankinter	Banketxea
Kutxabank + Cajasur	Banketxea
Ibercaja	Banketxea
Abanca	Banketxea
ING	Banketxea
Deutsche Bank	Banketxea
Openbank	Banketxea
Banca March	Banketxea
Targo Bank	Banketxea
Banca Pueyo	Banketxea
Laboral Kutxa	Kreditu-kooperatiba
Caja Rural	Kreditu-kooperatiba
Grupo Cooperativo Cajamar	Kreditu-kooperatiba
Eurocaja Rural	Kreditu-kooperatiba
Caja de Ingenieros	Kreditu-kooperatiba
Cajalmendralejo	Kreditu-kooperatiba
Caja Rural de Guissona	Kreditu-kooperatiba
Evo Banco	Banketxea
Banco Mediolanum	Banketxea
Bankoa	Banketxea
Arquia banca	Banketxea
Caixa Ontinyent	Aurrezki-kutxa
Imagin	Neobanketxea
Orange Bank	Neobanketxea

Erreferentziak

↑ (Gaztelaniaz) «Sección Primera. Empresarios. Actos Inscritos» Boletín Oficial del Registro Mercantil (165): 38938. 2016-8-30.
↑ (Gaztelaniaz) Otto, C.. (2016-08-04). «A la desesperada: 27 bancos españoles lanzan una 'fintech' para luchar con internet» El Confidencial.
↑ (Gaztelaniaz) Bizum. Entidades asociadas. .

Kanpo estekak

Webgune ofiziala (Gaztelaniaz)

Datuak: Q66106225

[1] (Gaztelaniaz) «Sección Primera. Empresarios. Actos Inscritos» Boletín Oficial del Registro Mercantil (165): 38938. 2016-8-30.

[2] (Gaztelaniaz) Otto, C.. (2016-08-04). «A la desesperada: 27 bancos españoles lanzan una 'fintech' para luchar con internet» El Confidencial.

[3] (Gaztelaniaz) Bizum. Entidades asociadas. .

[1]

[2]

[3]