Ainize Gastaka Martínez

Ainize Gastaka Martínez
	;
; Laudioko alkate	;
; Laudioko alkate
Bizitza
Jaiotza	Laudio, 1985eko ekainaren 4a (38 urte)
Herrialdea	Araba, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	abokatua eta politikaria
Sinesmenak eta ideologia
Alderdi politikoa	Euskal Herria Bildu

Ainize Gastaka Martínez (Laudio, Araba, 1985) abokatua eta poltikaria da.

2023ko ekainaren 17an Laudioko alkate bilakatu zen, 2023ko udal hauteskundeetan, Euskal Herria Bildu koalizioaren hautagaitza gailentzearen ondorioz eta Omniaren babesarekin.^[1]

Biografia[aldatu | aldatu iturburu kodea]

Ainize Gastaka Zuzenbidean lizentziatuta dago eta abokatu espezializatua da arlo zibilean, administratiboan eta penalean. 2012tik, gainera, besteak beste, genero-indarkeriaren biktimei laguntzeko ofiziozko txandako abokatua eta atxilotuari laguntzeko ofiziozko txandako abokatua ere bada. Laudioko gazte asanbladan, Ikastolako euskara batzordean eta gazte eta ikasle mugimenduan parte hartu du.

2023ko urtarrilaren 31n EH Bildu Laudioko Mahai Politikoak Ainize Gastaka proposatu zuen 2023ko Udal Hauteskundeetarako alkategia izateko eta behin epea amaituta, hautagaitza bakarra izan zen. Gauzak horrela, eta EH Bilduren barne araudian jasotzen den bezala, oinarriak berretsi behar izan zuen proposamena. Bozketa otsailaren 2,3 eta 4an izan zen^[2].

2023ko martxoaren 31n hautagaitza aurkeztean Ainize Gastekak adierazi zuen:

“Denon artean eta ezberdinen artean ekarriko dugu aldaketa Laudiora”^[3]

2023ko ekainaren 17an Laudioko alkatetza EAJren eskuetatik EH Bilduren eskuetara pasatu zen, Omniaren babesarekin. Talde independentearen batzarrean bildutako 60 lagunek erabaki zuten Ainize Gastaka alkate izendatzea.^[4]^[5]Arabako bigarren udalerririk handieneko alkatetza berreskuratu zuen Ainize Gastakak bere taldekideen 7 boto eta Omniaren 3 botori esker. Ander Añibarro orain arteko alkateak EAJko kideen 6 boto eta PSEren boto bakarra eskuratu zituen.^[6]