Alejandra Rodríguez

Aldatu loturak
Wikipedia, Entziklopedia askea
Alejandra Rodríguez
Bizitza
JaiotzaLa Plata, 1963 (60/61 urte)
Herrialdea Argentina
Hezkuntza
Hizkuntzakgaztelania
Jarduerak
Jarduerakabokatua eta kazetaria

Alejandra Marisa Rodríguez (Brandsen, La Plata, Argentina, 1963ko azaroaren 27a) argentinar abokatua eta kazetaria da, edertasun lehiaketetan jardun duena. 2024ko apirilean Miss Unibertso Buenos Aires lehiaketa irabazi zuen 60 urterekin.[1][2] Miss Unibertsoko erreglamentu aldaketak aukera eman dio, gehienezko 28 urteko adina desagertzean.[3]

Biografia[aldatu | aldatu iturburu kodea]

Kazetari gisa trebatu zen eta 1984an graduatu zen La Platako Unibertsitateko Kazetaritza Goi Eskolan. Ondoren, Zuzenbidea ikasi zuen. Urte batzuetan Probintziako Legegintzaldiko Diputatuen Ganberako kidea izan zen. Brandseneko Fiskaltzarako Familia Zuzenbidean espezializatu zen. Osasun Ministerioan ere lan egin zuen, eta eskualdeko ospitale batean legezko aholkulari gisa.[4]

Ezkondu eta banandu egin zen, ez du bikoterik. Miss Unibertso Argentina hautagaiak esan zuen genetika onekoa izan dela beti, amarengandik datorkiola, hark ere gazteagoa zirudiela. Elikadurari garrantzia ematen dio Alejandrak. Begetarianoa da eta ez du azukre edo irinik jaten; fruta eta barazkiak ugari. Gutxienez astean hiru aldiz egiten du ariketa fisikoa, meditazioa, eguzkia hartu, itsasoa entzun.[5][6]

Franzi Lezcanoren modelo agentziarekin lotuta dago.[6]

Edertasun lehiaketak[aldatu | aldatu iturburu kodea]

Miss Unibertso Buenos Aires[aldatu | aldatu iturburu kodea]

2024ko apirilean Miss Unibertso Buenos Aires lehiaketa irabazi zuen. Edertasun lehiaketa batean bere adineko (60 urte) lehen emakume irabazlea izan zen. Miss Buenos Airesen hautaketak beste datu bereizgarri bat izan zuen: egun horretan, Rodríguezen aurretik, lehiaketako lehen finalista 73 urteko emakumea izan zen.[1]

Sari horri esker, Miss Unibertso Argentina 2024 ekitaldian lehiatzeko aukera lortu zuen, irabaziz gero nazioarteko 2024ko urte amaiera aldera Mexikon Miss Unibertso ekitaldian lehiatzeko aukera emanda.[1][2]

Miss Unibertsoren adin arauak[aldatu | aldatu iturburu kodea]

Miss Unibertso txapelketan adin arauak egon dira hautagai izateko, gutxieneko adina 18 urte eta gehienezkoa 28. 2023ko irailean desagertu zen gehienezko adina lehiaketa horretan parte hartzeko.[6] Alejandra Rodríguezek zera esan zuen:

«Oso pozik nago paradigma berri hori edertasun-sariketetan irudikatzen ari naizelako, etapa berri bati hasiera ematen ari baikara, non emakumea, edertasun fisikoaz gain, beste balio-multzo bat ere baden. Belaunaldi honetako lehena naiz.»[6]

Barbara Cabreraren hitzetan:

«Emakumeok ahotsa altxatzeko plataforma bat da lehiaketa.»[7]

Erreferentziak[aldatu | aldatu iturburu kodea]

  1. ↑ a b c «Tiene 60 años y es la nueva Miss Universo Argentina: así es Alejandra Rodríguez Belleza Alejandra Rodríguez acaba de convertirse en la primera mujer de esa edad en ganar el Miss Universo Buenos Aires. Representará a la provincia en la final de Miss Universo Argentina 2024 el 25 de mayo» La Vanguardia 25/04/2024.
  2. ↑ a b «Así es Alejandra Rodríguez, la nueva Miss Universo Argentina con 60 años» Mundo Deportivo 24/04/2024.
  3. ↑ (Gaztelaniaz) EFE, NTM /. (2024-04-26). «Alejandra Rodríguez, la abogada de 60 años que competirá en Miss Universo Argentina» Noticias de Gipuzkoa (Noiz kontsultatua: 2024-05-06).
  4. ↑ «La historia de Alejandra Rodríguez y su receta tras ser elegida por su belleza a los 60 años:"Muy natural"» El Día 25-04-2024.
  5. ↑ «60 urteko missa» Berria 2024-05-04 (Noiz kontsultatua: 2024-05-09).
  6. ↑ a b c d (Gaztelaniaz) Salgado, Gloria. (2024-04-23). «La viral candidata a Miss Universo Argentina de 60 años» El Correo (Noiz kontsultatua: 2024-05-06).
  7. ↑ (Gaztelaniaz) «Bárbara Cabrera, la candidata argentina a Miss Universo: “El concurso es una plataforma para que las mujeres alcemos la voz”» infobae 2023-01-11 (Noiz kontsultatua: 2024-05-06).

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Alejandra_Rodríguez&oldid=9789202"(e)tik eskuratuta