Amiensko gudua (1918)

Amiensko gudua
	Lehen Mundu Gerra
	"1918ko abuztuak 8" margolana, Will Longstaff-ek egindakoa. Alemaniar gerra presoak Amienserantz ibiltzen erakusten du.
Data	1918ko abuztuaren 8a- abuztuaren 12a
Lekua	Amiens, Pikardia
Koordenatuak	49°53′38″N 2°17′39″E / 49.893913888889°N 2.29425°E
Emaitza	Aliatuen garaipena ; * Ehun Eguneko ofentsibaren hasiera
Gudulariak
Frantzia ; Britainia Handia eta Irlandako Erresuma Batua ; AEB	Alemaniar Inperioa
Buruzagiak
Ferdinand Foch ; Marie-Eugène Debeney; Georges Humbert ; Britainia Handia eta Irlandako Erresuma Batua Douglas Haig ; Britainia Handia eta Irlandako Erresuma Batua Henry Rawlinson	Paul von Hindenburg ; Erich Ludendorff ; Georg von der Marwitz ; Oskar von Hutier
Indarra
Frantzia 27 dibisio aktibo ; erreserba dibisio 1 ; 1.104 hegazkin ; Britainia Handia eta Irlandako Erresuma Batua 16 dibisio aktibo ; 3 erreserba dibisio ; 800 hegazkin ; AEB dibisio 1	26 dibisio aktibo ; 9 erreserba dibisio ; 365 hegazkin
Galerak
Frantzia 24.232 ; Britainia Handia eta Irlandako Erresuma Batua 22.202	45.000 hildako edo zauritu ; 29.873 gerra preso

Amienseko gudua, Pikardiako Hirugarren Gudua izenarekin ere ezagutua (frantsesez: 3ème Bataille de Picardie), aliatuen kontraerasoaldiaren hasierako fasea izan zen, 1918ko abuztuaren 8an hasi zena. Aurrerago "Ehun Eguneko Ofentsiba" izena jasoko zuenak Lehen Mundu Gerraren azken erasoa izango zen. Aliatuek 11 kilometroko aurrerapena egitea lortu zuten lehenengo egunean soilik, gerra osoan zehar egindako aurrerapen handienetakoa. Erasoa nagusiki Henry Rawlinsonen 4. Armada britainiarrak (John Monash-en australiar eta Arthur Currieren kanadiar unitateen laguntzarekin) eta Marie Eugène Debeneyren 1. Armada frantziarrak aurrera eraman zuten. Gudua, gainera, nabarmena da bi aldeen moralean izan zuen eraginagatik, zehazki amore eman zuten alemaniar indar ugariengatik. Horren ondorioz, Erich Ludendorffek borrokaren lehen eguna "Alemaniako Armadaren egun beltza" bezala deskribatu zuen. Amiensko gudua gerra korazatuen erabilera ikusi zuen lehenetariko borroka izan zen.^[1]