Andre Mariaren Jasokundearen eliza (Arripodas)

Andre Mariaren Jasokundearen eliza
Kokapena
Herrialdea	Euskal Herria
Probintzia	Nafarroa Garaia
Udalerria	Urraulbeiti
Koordenatuak	42°41′11″N 1°18′23″W / 42.68628723°N 1.30640998°W

Andre Mariaren Jasokundearen eliza Urraulbeitiko Arripodas kontzejuan Erdi Aroko kristiau eliza bat da.

Bataiarria[aldatu | aldatu iturburu kodea]

Barruan, Nafarroako bataiarri ederrenetako bat dago, garai gotikooa.

Bi elementuk osatzen dute: katilua, forma ia angeluzuzeneko monolitoa, eta oinarri duen euskarria, zutabe bat. Dekorazio ederra eskaintzen digu, pieza honen balio nagusia dena, eta jatorriz hormari atxikitzeko pentsatuta zegoenez, lau alboetatik hiru bakarrik hartzen ditu; alboak eta aurrealdea. Azken horretan dekorazioa narratiboa da, hiru arkupe trilobulaturen azpian bi eszena garatzen dira. Lehena Deikundea da, gotikoan ohikoa den formularen arabera irudikatua: Maria tente, profezien liburua esku batean duela, eta bestea, otoitz egiteko jarreran altxatua, eta aingerua ere zutik, grabatzera iritsi ez ziren agurtasunaren hitzak gordetzeko filakteria bat daramala. Bi irudi horien artean bigarren gaia dago, bizitzaren iturri eta zuhaitzaren sintesi bitxi bat: iturri bat irudikatu da, zeinaren erdigunetik zuhaitz bat sortzen baita, eta bi alboetan bi txori, iturriko uretatik edaten duten aldi berean, bizitzaren zuhaitzaren inguruan aurrez aurre dauden bi animaliak irudikatzen dituztenak, beren derrigorrezko osagarria osatzen dutenak; motibo batek eta besteak ezin hobeto harmonizatzen dute pilaren bataio-izaerarekin.

Alboetako biek, aldiz, apaingarri hutsezko dekorazioa dute. Horietako batean, bi arrosa-leiho polilobulatu daude, erdian errosazeoak dituztela – Gotikoaren elementu bereizgarria –, eta baoek fajazko armarri bat eta lis-lore bat betetzen dituzte. Beste aldean arrosa-leihoak errepikatzen dira, baina barrualdea musulmanen zapore argiko elkarlotzeek betetzen dute erabat, ataurikezko dekorazio batek arrosetoiek libre uzten duten espazioa hartzen duen bitartean; horrela, motibo gotikoen eta progenie mudejarraren arteko konbinazio interesgarria gertatzen da.