Aranburu jauregia (Tolosa)

Aranburu jauregia
Eraikitako euskal ondasun nabarmena
Tolosako hiri historikoa
Aranburu jauregiaren aurreldea eta ezkerrean Santa Maria elizaren horma izen berdineko plazatik ikusita. Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Tolosa
Koordenatuak	43°08′16″N 2°04′17″W
Historia eta erabilera
Eraikuntza	XVII. mendea -
Erabiltzailea	Biblioteca Municipal de Tolosa (en)
Arkitektura
Estiloa	Barrokoa
Ondarea
EJren ondarea	13
Kontaktua
Helbidea	Santa Maria plaza 4

Aranburu jauregia Gipuzkoako Tolosa udalerrian dagoen jauregi bat da.

Kokalekua

Tolosako Alde Zaharreko Andre Maria plazan dagoen XVII. mendeko barroko estiloko eraikina da, Santa Maria eliza, Errota eta Oria ibaiaren artean. Zaharberritua dago eta gaur egun, bertan, udal liburutegia, udal artxibategia eta bi erakusketa areto daude.

Eraikina

Beheko solairua eta beste bi ditu, eta solairu nagusiko hormak harri landuz eginak ditu; gainerakoak, harlanduz eginak dauzka. Alde nagusian bao angeluzuzenak ditu, simetrikoki banatuak, eta solairutik solairurako tarteetan, alderik alde, platabandak ageri dira. Izkinak, berriz, kuxinduraz apainduak ditu.

• 
  Eraikinaren ikuspegi orokorra.
• 
  Aranburu jauregia, Errota, Santa Maria eliza eta Oria ibaiaren ikuspegia.

Ertzetako leihoak hesiz estaliak daude beheko solairuan; goiko solairuetan, berriz, balkoiak ditu ertzetan, jabaloiekin eta boladun barandekin. Elementurik deigarrienak erdiko ardatzean daude: sarbide handi bat du beheko solairuan, eta haren gainean, balkoi bat (zorua harrizkoa du, eta baranda, burdin forjatuz egina). Balkoiaren gainean, Migel Aranbururen armarria ageri da. 1696an Aranburuk Gipuzkoako Foruak bildu eta argitaratu zituen (inprimatgia etxean bertan jarri zuen).

Bigarren solairuko balkoia irtenagoa da lehenengokoa baino, eta lau jabaloi ditu bi beharrean. Goi-goian, alderik alde, harriko erlaitza du, eta haren gainean, teilatua dago, harburu ongi landuekin.

Eskuineko aldea guztiz berritua dago, eta ezkerrekoan solairu bat gehiago du, maldan egina baitago. Alde horretan, harri handiak ditu beherengo aldean, eta txikiagoak gora egin ahala.

Kanpo estekak

• Datuak: Q16615179
• Multimedia: Aranburu jauregia / Q16615179

Euskarazko Wikipedian bada atari bat, gai hau duena: Gipuzkoa