Aretxagazeta

Aretxagazeta
Mota	herri aldizkaria
Fitxa teknikoa
Hizkuntza	euskara
Argitaratze lekua	Aretxabaleta
Argitaletxea	Loramendi Elkartea
Banaketa
Ekoizpen osoa	2.500 ale
Banatze-eremua	Aretxabaleta
Maiztasuna	hamabostero
Salneurria	0

Aretxagazeta 1992. urtean Aretxabaletan sortu zen herri aldizkaria izan zen, euskara hutsezkoa eta hamabost egunero herriko albisteak biltzen zituena^[1].

Historia[aldatu | aldatu iturburu kodea]

Arrasateko Arrasate Press aldizkariaren harira sortu zen. 1991ean hasi ziren biltzen eta 1992ko martxoaren 12an atera zuten aurreneko alea. Hasiera batean bi astean behin kaleratzen hasi zen eta 12 orrialde zituen^[2], ondoren tamainaz handitu zen 24 orrialdetaraino. Guztira 2.500 ale banatzen ziren^[1]. Loramendi Elkartea izan zen arduraduna.

1998an Aretxabaletako Komunikabideak-Loramendi Elkartea eratu zen eta 1999an Atxabalta Telebista abiatu zen, 2000 arte iraun zuena. 2000. urtean Goiena Komunikazio Taldeak Debagoieneko herri komunikabide guztiak bateratu zituen eta urte amaieran Goienkaria astekaria argitaratu zen^[3]. Urte pare bat gehiago iraun zituen Aretxagazetak.

Goienkaria astekariaren Aretxabaletako atalak Aretxagazeta izena mantendu zuen (gainerako herri aldizkariena bezalaxe) baina 2006an herrien izena hobestea erabaki zen^[4].