Bangor City F.C.

Bangor City Football Club

Ezizena(k)	The Citizens (hiritarrak)
Sorrera	1876
Futbol zelaia	The Book People Stadium edukiera: 3.000 lagun inaugurazioa: 2012
Presidentea	Ivor Jenkins
Entrenatzailea	Craig Harrison
Liga	Galesko Liga
2018-19	4.a (Cymru Alliance, D2)
Webgunea	Webgune ofiziala
Etxekoa 　 Kanpokoa

Bangor City Football Club Galesko futbol taldea da, Bangor hirikoa. Galesko 3 liga eta 8 Kopa irabazi ditu.

Historia

Taldea 1876an sortu zen Bangor Football Club izenarekin eta lehenengo ekitalditik bertatik urtero aritu da Galesko Kopan. Lehenengo garaipenak gainera berehala iritsi ziren, 1889 eta 1896an hain zuzen ere.

1962an Galesko Kopa irabazi zuen hirugarren aldiz eta honek Europako Errekopan aritzeko aukera izan zuen. Napoliren aurka jokatzea egokitu zitzaion, garai hartan talde indartsua zena, eta etxean 2-0 irabazi zion. Italian 3-1 galdu zuen eta orduan hirugarren partida jokatu ohi zen desberdintzeko. Partida hau Ingalaterran izan zen eta italiarrek 2-1 irabazi zuten.

1992an Galesko Liga sortzea erabaki zenean herrialdeko hiru talde indartsuenek Ingalaterrako Ligan jarraitzea erabaki zuten eta Bangor Cityk aukera hau baliatu zuen bi liga irabazteko, 1995 eta 1996koa. 2011ean irabazi zuen hirugarren liga. Bestalde 1998tik hona 5 Kopa berri ere irabazi ditu. 2016 eta 2017 artean Andy Legg eta Ian Dawes izan zituen entrenatzaile baina lizentziarik ez zutela salatu eta 2018ko apirilaren 26an bigarren mailara jeitsiarazi zuten eta UEFA baimena kendu.

Irabazitako txapelketak

Galesen: 18

• Liga (3): 1994, 1995, 2011
• Kopa (8): 1889, 1896, 1962, 1998, 2000, 2008, 2009, 2010
• Ligako Kopa (0): sei aldiz jokatu du finala, 1994, 1997, 1998, 2000, 2003 eta 2009an.

Kanpo estekak

• (Ingelesez) Webgune ofiziala

• Datuak: Q264129
• Multimedia: Bangor City F.C. / Q264129