Zabor

Zabor poltsak edukiontzian

Zaborra edo hondakinak gure eguneroko aktibitatetan sortutako materiala da, bere balioa galdu edo erabilgarri ez delako bota behar duguna.

Desagerrarazteko teknikak

• Botatzea: Zabortegi kontrolatuetan egiten da.
• Errausketa: Erraustegietan egiten da, hondakinak labe batean errez.
• Konpostajea: Konpostaje plantetan egiten da. Herri batzuetan ere konpostarako edukiontziak daude, gero baratzetan edo lorategietan bota egiten dena.

Sailkapena

Hiri hondakinen sailkapena hainbat irizpideren arabera egin daiteke: jatorriaren, ezaugarri fisiko-kimikoak, arriskua, tratamendua edo fluxu-taldearen arabera.

Jatorria

• Hiri Hondakin Solidoak (HHS). Herrietan sortutako hondakinak.
• Hirikoekin Parekatu daitezkeen Merkataritza Hondakinak (HPMH). Merkataritza jardueretan sortutakoak. Hondakinen erantzukizuna udalaren esku dago.
• Industria Hondakinak (IH). Industria-jardueretan sortutako hondakinak. Bi azpimultzo daude:
  • HOSak edo ezaugarri berdinekoak.
  • Prozesuetako hondakinak.
• Nekazaritzako eta Abeltzaintzako Hondakinak. Nekazaritza eta abeltzaintza jardueretan sortutakoak. Hondakinak sortzen dituenaren eta udalaren erantzukizuna dira.
• Eraikuntzako eta Eraisketetako Hondakinak. Eraikuntzaren eta azpiegituren eraikuntzari eta eraisketei loturiko jardueretatik sortutakoak. Erantzukizuna udalarena eta hondakinak sortzen dituenarena da.
• Hondakin Sanitarioak (HS). Osasun-jardueretan sortutakoak. Kudeaketaren erantzukizuna bi maila daude:
  • Osasun zentro barrukoa.
  • Osasun zentroaren kanpokoa.
• Meatzetako Hondakinak. Erauzketa-jardueretan sortutakoak. Hondakinen kudeaketa sortzen dituztenen esku dago.

Ezaugarri fisiko-kimikoak

• Hondakin Solidoak
• Hondakin Likidoak
• Lohia eta Hondarra
• Hondakin Erradioaktiboak

Arriskua

• Hondakin Arriskutsuak (HA). Industria-jardueretan sortutako hondakinak, duten ezaugarriren edo substantziaren batengatik pertsonentzat edo ingurumenerako toxikoak badira.
  • Etxeko Toxikoak
• Hondakin Egonkorrak (HE)
• Hondakin Biokutsatuak (HB)
• Hondakin Ez Arriskutsuak (HEA)

Tratamendua

• Hondakin Hartzigarriak
• Hondakin Birziklagarriak

Fluxu-taldea

• Tresna Elektrikoen eta Elektronikoen Hondakinak (EEH)
• Ibilgailuen Hondakinak
• Ontzien eta Paketeen Hondakinak
• Eraikuntzako eta Eraisketako Hondakinak
• PVC Hondakinak
• Egonkortu daitezkeen Hondakinak

Ikus, gainera

• Birziklapena
• Zaborren berreskurapen informala
• Zabor-posta
• Zabor espaziala

Wikimedia Commonsen badira fitxategi gehiago, gai hau dutenak: Zabor