Isolinea

Arktikoan uztaileko batez besteko tenperaturaren 10 °C-eko isoterma.

Isolinea edo isopleta aldagai baterako balio bera duten puntuak lotzen dituen linea geografikoa da. Mapetan irudikatzen diren isolineak zuzenak edo bihurgunetsuak izan daitezke. Azalera erreal edo hipotetiko baten eta plano horizontal baten edo askoren arteko ebaketa adierazteko erabiltzen dira. Linea hauen konfigurazioak aldagaiaren gradiente erlatiboa ezagutzea eta puntu jakin batean aldagaiak duen balioa ondorioztatzea ahalbidetzen du.

Funtzioaren gradientea isolinearekiko elkartzuta da. Lineak oso hurbil daudenean gradientearen aldakuntzaren balioa handiagoa da.

Isolineak kartografian eta meteorologian erabiltzen dira gehien, baina mapa baten gainean erakuts daitekeen edozein aldagairako erabil daiteke. Isolineen bidez irudikatzen den aldagaiaren arabera, izena ezberdina da. Hona hemen adibide batzuk:

• garaiera: sestra-kurba
• presioa: isobara
• tenperatura: isoterma
• prezipitazioa: isohieta
• hizkuntzalaritza: isoglosa