Llorenç Villalonga: berrikuspenen arteko aldeak
t Robota: hizkuntza arteko 3 lotura lekualdatzen; aurrerantzean Wikidata webgunean izango dira, d:q3328249 orrian |
No edit summary |
||
| 1. lerroa: | 1. lerroa: | ||
{{argitzeko|idazle katalanari|Villalonga (argipena)}} |
{{argitzeko|idazle katalanari|Villalonga (argipena)}} |
||
[[File:Llorenç Villalonga i Pons.jpg|thumb|Llorenç Villalonga i Pons]] |
|||
'''Llorenç Villalonga i Pons''' ([[Palma de Mallorca]], [[Balear Uharteak]], [[Katalan Herriak]], [[1897]]ko [[martxoaren 1]]a - Palma de Mallorca, [[1980]]ko [[urtarrilaren 28]]a) idazle katalana zen. [[Katalan]]ez zein [[gaztelania]]z idatzi zuen. |
'''Llorenç Villalonga i Pons''' ([[Palma de Mallorca]], [[Balear Uharteak]], [[Katalan Herriak]], [[1897]]ko [[martxoaren 1]]a - Palma de Mallorca, [[1980]]ko [[urtarrilaren 28]]a) idazle katalana zen. [[Katalan]]ez zein [[gaztelania]]z idatzi zuen. |
||
18:04, 4 uztaila 2014ko berrikusketa
- Artikulu hau idazle katalanari buruzkoa da; beste esanahietarako, ikus «Villalonga (argipena)».
Llorenç Villalonga i Pons (Palma de Mallorca, Balear Uharteak, Katalan Herriak, 1897ko martxoaren 1a - Palma de Mallorca, 1980ko urtarrilaren 28a) idazle katalana zen. Katalanez zein gaztelaniaz idatzi zuen.
Biografia
Medikua ogibidez
Familia aristokratiko batean sortua zen. Espainiako zenbait unibertsitatetan ikasketak egin ondoren, Parisen psikiatrian espezializatu zen, Frantziako literaturaren eta kulturaren ezagutza sakontzearekin batera. Palman kokaturik, bertan jardun zuen mediku gisa.
Idazle-ibilbidea
Hastapenak
Mort de dama (1931, Dama baten heriotza) lehen eleberriarekin, bere literaturaren ezaugarriak ezagutarazi zituen: kultura zabala, uharteko goi-mailako klaseen dekadentziaren isla, ironiaren eta nostalgiaren artean, eta garaiko gizartearen ukamena.
Egunkarietarako idazten zuen, eta 1934-1936 artean Brisas aldizkariaren zuzendari izan zen.
Produkzio urriko aldi baten ondoren, 1952an La novel.la de Palmira (Palmiraren eleberria) argitaratu zen. 1958an, El lledoner de la clastra (Patioko almez arbola) ipuin- eta antzerki-bilduma eman zuen argitara. Geroztik, hainbat narrazio-lan eta antzerki-pieza ondu zuen.
Bearn eta ospea
Villalongaren obrarik ezagunena Bearn eleberria da. Bere betiko gaiak ukitzen dituen obra honen bidez ospe handia lortu zuen, eta hari esker 1962an Espainiako Kritika Saria jaso zuen. Zenbaitentzat Villalonga XX. mendeko idazle katalanik behinena izan da.
Azken urteak
Azken garaiko obren artean azpimarragarriak dira, besteak beste: L´hereva de Donya Obdúlia (1964, Obdulia andrearen ondorengoa); Falses memories (1967, Oroitzapen faltsuak); La Lulú (1970); eta Andrea Victrix (1973).
Kanpo-loturak
- (Gaztelaniaz) Llorenç Villalongaren biografia lletra.com webgunean
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.