Wall Street (filma)

Wall Street 1987ko Oliver Stone estatubatuar zinema zuzendariaren drama filma bat da. Michael Douglas, Charlie Sheen, Daryl Hannah eta Martin Sheen aktoreek antzeztu zuten.

2010ean Wall Street 2: Money Never Sleeps ("Wall Street 2: Diruak Ez Du Inoiz Lorik Egiten") izeneko jarraipena izan zuen.

Filma honekin Oliver Stonek bere aita Lou Stone zena omendu nahi izan zuen, hain zuzen ere, Depresio Handiaren garaian brokera izandakoa. Istorioak New York hiriko eta AEBtako finantza barruti nagusiena den Wall Streeteko mundu gupidagabean girotua dago.

Argumentua

1980ko hamarkada, New York. Bud Fox (Charlie Sheen) Wall Streeten izen bat egin nahi duen broker gazte bat da. Eguneez enpresa batean lan egin ohi du eta denbora librean asko miresten duen inbertsiogile eta negoziogizon bat ezagutzen saiatzen da: Gordon Gekko (Michael Douglas). Azken honek Bud kontratatzea erabakiko du, honela Budek diru, luxu eta dibertsioz betereiko mundu berri bat ezagutuko du, baina laister Gordon Gekko mirestua inongo eskrupulurik gabeko gizona dela jabetuko da, axola zaion bakarra dirua dela, eta horretarako edozer egiteko gai dela. Une hortan bertan Budek etika araudia apurtzen duen finantza eragiketa erakargarri bat onartu ala ez erabaki beharko du. Azkenean eragiketa ez onartzea erabakiko du, gizalegez jokatzea eta Gordon Gekkok diru ugari lortzeko darabilen iruzurra argitara ematea.

Aktoreak

Aktorea	Pertsonaia
Michael Douglas	Gordon Gekko
Charlie Sheen	Bud Fox
Daryl Hannah	Darien Taylor
Hal Holbrook	Lou Mannheim
Martin Sheen	Carl Fox
John C. McGinley	Marvin
Terence Stamp	Sir Lawrence Wildman
Sean Young	Winnie Gekko
James Spader	Roger Barnes
Saul Rubinek	Harold Salt
James Karen	Lynch
Frank Adonis	Charlie

Sariak

• 1988: Gizonezko aktore onenaren Oscar Saria (Michael Douglas)
• 1988: Gizonezko aktore onenaren Urrezko Globo Saria - Drama (Michael Douglas)

Kanpo loturak

• Wall Street filmaren IMDBko fitxa irakurgai (Ingelesez)