Alexander (filma)

Alexander (euskaraz Alexandro) 2004ko Oliver Stone estatubatuar zinema zuzendariaren historia filma bat da. Alexandro Handia mazedoniar errege eta konkistatzaile ospetsuaren bizian oinarritua dago. Bertan, Colin Farrell, Angelina Jolie, Val Kilmer, Jared Leto, Rosario Dawson, Anthony Hopkins eta Christopher Plummer aktoreek antzeztu zuten.

Argumentua

Antzinaroa, Antzinako Grezia. Alexandro Handia (Colin Farrell), Mazedoniako erregea, bere erregealdia hogei urterekin hasi zuen. Grezia osoa bereganatu eta ondoren Persiar Inperio erraldoia konkistatzeari ekin zion, gero Indiara aurreratuz. Inoiz gudurik galdu ez zuen estratega bikaina izan zen, ameslaria, bere patuak eta balentriek Historian arrasto sakona laga zuten. 33 urte besterik ez zituela hil zen, historian aurretik inoiz parekorik izan ez zuen inperioa sortuz. Bere bizitzan eragin handiena izan zuten pertsonaiak honako hauek izan ziren: bere aita Filipo (Val Kilmer); Olimpia ama (Angelina Jolie); Aristoteles tutorea eta irakaslea (Christopher Plummer); Hefestion, adiskidemina (Jared Leto); Roxana, emakume handinahia (Rosario Dawson); eta azkenik, Ptolomeo (Anthony Hopkins), konfiantzazko lagun eta armakide leiala.

Aktoreak

• Colin Farrell - Alexandro Handia
• Angelina Jolie - Olinpia
• Jared Leto - Hefestion
• Rosario Dawson - Roxana
• Christopher Plummer - Aristoteles
• Val Kilmer - Filipo II.a Mazedoniakoa
• Anthony Hopkins - Ptolomeo
• Jonathan Rhys-Meyers - Kasandro
• Connor Paolo - Alexandro mutikoa
• Francisco Bosch - Bagoas

Kanpo loturak

• Alexander filmaren iragarkia ikusgai. Youtube.com (Ingelesez)
• Alexander filmaren IMDBko fitxa irakurgai (Ingelesez)