Cobb-Douglas ekoizpen-funtzio

Mikroekonomian eta ekonometrian, Cobb-Douglas ekoizpen-funtzioak ekoizpen-faktoreak (aldagai aske moduan) eta ekoizpena (menpeko aldagai moduan) lotzen dituzten funtzio mota bat da, funtzio potentzialean oinarriturik. Sarri, kontuan hartzen diren bi faktoreak lana eta kapitala izaten dira. Knut Wicksell (1851–1926) ekonomialariak planteatu zuen eta Charles Cobb eta Paul Douglas ekonomialariek egiaztatu zuten estatistika erabiliz 1900–1928 urte bitartean.^[1] Douglasen arabera, Philip Wicksteedek aurretik garatu zuen funtzioa.^[2]

Ekoizpena Q eta ekoizpen-faktoreak x₁, x₂ badira honelakoak dira Cobb-Douglas ekoizpen-funtzioak:

Q=ax_{1}^{\alpha }x_{2}^{\beta }

α eta β parametroek, banaka harturik, ekoizpenaren elastikotasuna adierazten dute ekoizpen-faktore bakoitzarekiko. Horrela, α=0.15 parametroak dagokion ekoizpen faktorea unitate batean gehitzean, ekoizpena 0.15 gehituko dela adierazten du.

Batera harturik, α eta β parametroak nolakoak diren, ekoizpen funtzioak ezaugarri ezberdinak ditu:

α+β=1, ekoizpen funtzioak errendimendu konstanteak (elastikotasun konstantea)erakusten ditu: adibidez, ekoizpen faktoreak %20 gehitzen adira, ekoizpena ere %20 gehituko da;
α+β<1, ekoizpen funtzioak errendimendu beherakorrak erakusten ditu: adibidez, ekoizpen faktoreak %20 gehitzen badira, ekoizpena ere %20 baino gutxiago gehituko da;
α+β>1, ekoizpen funtzioak errendimendu gorakorrak erakusten ditu: adibidez, ekoizpen faktoreak %20 gehitzen badira, ekoizpena ere %20 baino gehiago gehituko da.

Erreferentziak

↑ (Ingelesez) Cobb, C. W.; Douglas, P. H.. (1928). «A Theory of Production» American Economic Review 18 (Supplement): 139–165..
↑ Barro, Robert J.; Sala-i-Martin, Xavier. (2004). (2. argitaraldia) The MIT Press, 29 or. ISBN 0-262-02553-1..

Kanpo estekak

Datuak: Q847163
Multimedia: Cobb–Douglas production functions / Q847163

[1] (Ingelesez) Cobb, C. W.; Douglas, P. H.. (1928). «A Theory of Production» American Economic Review 18 (Supplement): 139–165..

[2] Barro, Robert J.; Sala-i-Martin, Xavier. (2004). (2. argitaraldia) The MIT Press, 29 or. ISBN 0-262-02553-1..

[1]

[2]