Diario 16 (digitala)

Wikipedia, Entziklopedia askea
Diario16.com
Logotipo Diario16 Periódico Digital.png
MotaInformazio orokorreko egunkari digitala
Fitxa teknikoa
Lehen zenbakia2015eko abenduaren 6a
HizkuntzaGaztelania
FormatuaDigitala
ArgitaletxeaMULTIMEDIA EDICIONES GLOBALES, S.L.
Banaketa
MaiztasunaEgunero
Historia
IdeologiaLiberala
SortzaileaManuel Domínguez Moreno
ZuzendariaJosé Antonio Gómez
Editore-buruaManuel Domínguez Moreno
ErredaktoreakRicardo Angoso, Javier Puebla, J. Fernández, Eva Maldonado, Agustín Millán, Carmen Marchena, Carlos Deus de la Iglesia, Esteban Cano, Claudia Moreno, Pilar Santo Domingo, Santiago Aparicio, Jorge Zabaleta, Martha Golfín, Kerman Barcaiztegui, Roberta Biancarelli, Marcos López, Alma Lorenzo
https://diario16.com/

Diario 16 (digitala) informazio orokorreko egunkari digitala da. Diario 16 egunkariak 2001eko azaroaren 7an argitaratu zuen paperezko azken zenbakia, galera ekonomiko handien ondorioz (4.400 milioi pezeta baino gehiago) [1]. 2015eko abenduaren 6an berpiztu zen edizio digital moduan. Etapa berri honetan, Juan Tomás de Salas-en (paperezko Diario 16-ren sortzailea) lehen editorialean adierazitako zeregina du egunkariak. Eginkizun hori "Estatuaren martxa gertutik jarraitzea da". Hedabide honek dio prest dagoela "gizarte ongizatea, feminismoa, benetako berdintasuna eta justizia soziala suntsitzen dituzten diktadura pribatu eta publikoen ideologiak salatzen dituzten guztiei" ahotsa emateko.[2]

Historia[aldatu | aldatu iturburu kodea]

Diario 16 paperezko egunkariaren lehen alea 1976ko urriaren 18an jarri zen salgai, 12 pezetako prezioan. Presidentea Luis González Seara izan zen eta zuzendari nagusia Juan Tomás de Salas. Helburua argia zen: Estatuaren martxa gertutik zaintzea. Oso egunkari ezaguna izan bazen ere, 90eko hamarkadatik aurrera bere zuzendaritza-taldeko kide batzuek El Mundo sortzeko utzi zuten, eta horrek gainbehera garai bat hasi zuen, eta egunkaria ezin izan zen errekuperatu. Behin baino gehiagotan aldatu zen zuzendaritza oso denbora tarte laburretan. Gainera, egoera ekonomiko txarraren ondorioz, egunkariak langileak kobratu gabe zituen. Horregatik, bertako erredaktoreek grebak egiten zituzten etengabe.[3][4]

1977ko ekainaren 26an, Diario 16 egunkariaren egoitzak atentatu bat jasan zuen, inprimatzeko makineriak atentatu larria jasan zuen goma-2 leherketaren ondorioz[5]. Ez zen biktimarik izan, baina 20 milioi pezeta inguruko galera materialak izan ziren. GRAPO talde armatuak Diario 16-ren aurkako atentatuaren egiletza aldarrikatu zuen. Ondoren, 1997an, garai polemiko bat etorri zen Diario 16-rako. Egunkariak bira sentsazionalista eman zuen, hau da, albisteen alderdirik deigarrienak nabarmentzen zituzten, harridura eragiteko asmoz[6][7][8].

Etapa honen ondoren, Diario 16 Grupo Voz-ek (La Voz de Galicia-ko editoreak) erosi zuen. 2001ean irudi berri batekin eta ildo editorial lasaiago batekin berrabiarazi zen arren, salmentek ez zuten lagundu eta 2001eko azaroan kalera atera zen bere azken zenbakia.[3][9]

2016ko abenduaren 6an, Cambio16-ko langile ohiek Diario 16-ko goiburua berriro martxan jarri zuten formatu digital berrietara egokituz eta edizio inprimatua mantenduz hileroko argitalpen baten bidez. Bigarren trantsizioaren egunkaria (“El diario de la segunda transición”) deitu diote etapa berri honi[10].

Edukiak[aldatu | aldatu iturburu kodea]

Diario 16-ek egunero publikatzen ditu edukiak bere web orrian. Edizio digitalak sail hauek ditu: gaurkotasuna, iritzia, ekonomia, gizartea, kirolak, aisia, kultura eta beste hainbat. Informazio-generoei dagokienez, egunkari honek, gehienek bezala, mota guztiak erabiltzen ditu, baina erabilienak gaurkotasuneko albisteak dira.

Diario16.com webgunean argitaratutako eguneroko edukiez gain, papereko aldizkaria ere argitaratzen dute hilean behin[11][12].

Egitura[aldatu | aldatu iturburu kodea]

Sortzailea[aldatu | aldatu iturburu kodea]

  • Manuel Domínguez Moreno

Zuzendaria[aldatu | aldatu iturburu kodea]

  • José Antonio Gómez

Zuzendariordea[aldatu | aldatu iturburu kodea]

  • José Antonio Antequera

Erredakzio taldea[aldatu | aldatu iturburu kodea]

  • Ricardo Angoso
  • Javier Puebla
  • J. Fernández
  • Eva Maldonado
  • Agustín Millán
  • Carmen Marchena
  • Carlos Deus de la Iglesia
  • Esteban Cano
  • Claudia Moreno
  • Pilar Santo Domingo
  • Santiago Aparicio
  • Jorge Zabaleta
  • Martha Golfín
  • Kerman Barcaiztegui
  • Roberta Biancarelli
  • Marcos López
  • Alma Lorenzo

Ikerketa taldea[aldatu | aldatu iturburu kodea]

  • Esteban Cano
  • Ricardo Lenoir
  • Claudia Moreno
  • Carlos Deus
  • José A. Gómez
  • Pilar Santo Domingo
  • José A. Antequera

Publizitatea[aldatu | aldatu iturburu kodea]

  • Marta Ormaechea
  • Fina Sanz

Diseinua eta maketazioa[aldatu | aldatu iturburu kodea]

  • Felipe Báñez

Negozio eredua[aldatu | aldatu iturburu kodea]

Diario 16 egunkariaren eduki guztiak doan eskuratu daitezke web orriaren bidez. Egunkariak ez du ordain hesirik baina euren komunitateko kide bihurtu eta borondatezko kuota bat ordaintzeko eskatzen dute. Kidetza sistemarako hainbat aukera eskaintzen dituzte. 5, 10, 20 eta 50 euro eman daitezke. 50 euro emanez gero, urtebeterako aldizkari harpidetza digitala eskuratzen da (10 zenbaki). [13]

Gainera, 2016ko martxoaren 18an, Diario16 kioskoetara itzuli zen. Egun horretatik aurrera, Diario 16 egunkariak aldizkari bat argitaratzen du hilean behin, eta dagoeneko 60 edizio ditu (2022ko apirilean)[11]. Aldizkari honen prezioa 2 eurokoa da. Hala ere, Covid-19ren pandemia dela eta, Diario 16-k doako sarbide digitala eskaintzen die sareko goiburuko irakurle guztiei. Modu horretan, irakurleen leialtasuna saritu nahi dute.[14]

Enpresa[aldatu | aldatu iturburu kodea]

Egunkariaren jabea Multimedia Ediciones Globales SL da. Enpresa honek “informazio eta komunikazio” gisa sailkatutako jarduera gisa betetzen du. Entitate hori Sevillako Merkataritza Erregistroan dago inskribatuta eta argitaletxe honen kapital soziala 700.000 eurokoa da. [15] Zuzendari Nagusia Andrés Domínguez González da.[2]

Hedapena[aldatu | aldatu iturburu kodea]

OJD Interactiva-ren arabera, 2022ko martxoan 509.040 nabigatzaile bakar eta 805.431 bisita izan ditu. Bisiten batez besteko iraupena minutu 1 eta 17 segundokoa izan da (0:01:17) eta orrialde bakoitzeko batez besteko iraupena bi minutu eta 50 segundokoa (0:02:50). Eguneko batez bestekoari dagokionez, Diario 16-k 23.182 nabigatzaile bakar eta 25.982 bisita ditu.

2018ko martxotik 2022ko martxora arteko urte bakoitien konparaketa egitean, ikusleen datuetan aldaketak egon direla ikusten da. Audientzia datu altuenak 2020 urtean lortu zituen, pandemia garaian, ondoko kuadroan ikusten denez.[16]

Nabigatzaile bakarrak Bisitak
2018 maiatza 793.469 1.250.188
2020 maiatza 4.119.094 5.805.014
2022 maiatza 509.040 805.431

Datuak: OJD Interactiva

Erreferentziak[aldatu | aldatu iturburu kodea]

  1. «'Diario 16' deja de editarse tras 25 años en el mercado» www.elmundo.es (Noiz kontsultatua: 2022-04-25).
  2. a b (Gaztelaniaz) «Quienes Somos» Diario16 (Noiz kontsultatua: 2022-04-25).
  3. a b (Gaztelaniaz) La época amarillista de Diario 16 – La cabeza llena. (Noiz kontsultatua: 2022-04-25).
  4. (Gaztelaniaz) Carratalá, Ernesto. (2016-10-19). «Hace 40 años nació Diario16: Un baluarte de la Transición» Diario16 (Noiz kontsultatua: 2022-04-25).
  5. «Atentado contra Diario 16 - Archivo Linz de la Transición española | Fundación Juan March» www.march.es (Noiz kontsultatua: 2022-04-25).
  6. «"Liaño se ha vuelto loco"».. .
  7. «"ETA no escuchó la voz del pueblo. Hijos de perra"».. .
  8. «DIARIO 16, UN PERIÓDICO ABIERTO PARA UNA SOCIEDAD ABIERTA» web.archive.org 2014-03-19 (Noiz kontsultatua: 2022-07-11).
  9. «Cierra “Diario 16”, un rotativo emblemático de Madrid» hemeroteca.lavanguardia.com (Noiz kontsultatua: 2022-07-11).
  10. Press, Europa. (2016-03-17). «'Diario16' vuelve mañana a los quioscos como revista mensual» www.europapress.es (Noiz kontsultatua: 2022-07-11).
  11. a b (Gaztelaniaz) «'Diario 16' regresa al quiosco 15 años después» Mediaset 2016-03-17 (Noiz kontsultatua: 2022-04-25).
  12. (Gaztelaniaz) «Revista Diario16» Diario16 (Noiz kontsultatua: 2022-07-11).
  13. (Gaztelaniaz) «Donaciones» Diario16 (Noiz kontsultatua: 2022-04-25).
  14. (Gaztelaniaz) «Tienda16» Diario16 (Noiz kontsultatua: 2022-04-25).
  15. «Multimedia Ediciones Globales» www.iberinform.es (Noiz kontsultatua: 2022-04-28).
  16. (Gaztelaniaz) Medios Digitales « OJDinteractiva Auditoría Medios Online. (Noiz kontsultatua: 2022-04-28).

Kanpo estekak[aldatu | aldatu iturburu kodea]