Enric Satué

Wikipedia, Entziklopedia askea
Jump to navigation Jump to search
Enric Satué
Bizitza
Jaiotza Bartzelona1938ko urriaren  23a (80 urte)
Herrialdea  Katalunia
Bizilekua Bartzelona
Hezkuntza
Hizkuntzak katalana
gaztelania
Jarduerak
Jarduerak diseinatzailea eta enpresaburua

Enric Satué (Bartzelona, 1938ko urriaren 23a) katalan grafista eta teorialaria da. XX. mendearen azken hereneko diseinugile nagusietako bat da, bai egin dituen ekarpen praktikoengatik, bai eta azterketa kritiko espezializatuengatik ere.

Historia[aldatu | aldatu iturburu kodea]

Bartzelonako Arte Ederretako Fakultatean egin zituen ikasketak. Ikasketak bukatu ondoren, publizitate-agentzia batentzat lan egin zuen, baina 1970ean beregain hastea erabaki zuen, diseinatzaile grafiko gisa, CAU arkitektura- eta hirigintza-aldizkari berriaren enkargu bati esker. Harrezkero, grafismoaren alor guztiak landu ditu: Arquitectura Bis (1974-1985) eta Diari de Barcelona (1987-1988) aldizkariak argitaratu ditu, kartelak eta liburu-azalak diseinatu ditu, logotipoak (Pompeu Fabra unibertsitatearena, Instituto Cervantesena) egin ditu eta abar. 1982tik aurrera saiakera teorikoak eta historiografikoak argitaratu ditu, katalanez zein gaztelaniaz: El diseño de libros del pasado, del presente, y tal vez del futuro: La huella de Aldo Manuzio (1996), El diseño gráfico en España: Historia de una forma comunicativa nueva (1997), El paisaje comercial de la ciudad (2001), Los años del diseño: La década republicana 1931-1939 (2003); El diseño gráfico. Desde los orígenes hasta nuestros días (1988) obra, adibidez, erreferentzia-liburua da gai hori sakondu nahi dutenentzat. 1988an, Diseinuaren Sari Nazionala jaso zuen, ibilbide profesional oparoaren ezagutza. Enric Satuék maisutasunez uztartu ditu Otl Aicher, Daniel Gil, Milton Glaser eta Javier Mariscalen ekarpenak Kataluniako ikonografia errotuenaren erreferentziekin.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]