Errementari kalea (Gasteiz)

Errementari kalea (Gasteiz)
Irudi gehiago
Kokapena
Herrialdea	Euskal Herria
Probintzia	Araba
Herria	Gasteiz eta Alde Zaharra
Koordenatuak	42°50′59″N 2°40′28″W
Dimentsioak	600 () m

Gasteizko Errementari kalea Alde Zaharrean dago. Herri hizkeran Herre moduan ezaguna da.

Kokapena

Andre Mari Zuriaren plazan hasten da eta Jesusen Zerbitzarien kalean amaitzen da, Ahate Iturri plazatxoaren ondoan.

Luzera

600 metro inguruko luzera du. Ezkerreko espaloian 43 zenbakiraino iristen da eta eskuinekoan 108raino.

Historia

Henrike Knörr eta Elena Martínez de Madina Salazarrek idatzitako “Toponimia de Vitoria I – Gasteizko toponimia I” (Euskaltzaindia, 2009) liburuaren arabera, Alfontso XII Gaztelako Erregeak fundatu zuen kale hau 1200 urtean. Izenaren jatorria kalean tailerra zuten errementariengandik dator.

Kale honetan jaiotako pertsonai ezagunak

• Maria Josefa Sancho. 82. zenbakidun etxean jaio zen. Egun, museo bat dago bere omenez.

Azpiegiturak

Alde Zaharraren goiko aldera igotzeko bi arrakala automatiko kale honetan hasten dira, Apaizgaitegi zein Bakardade kantoietan.

Oinezko gutxi ibiltzen denez merkataritza ez da oso ugaria kalean, horren ordez Gastronomia Elkarte asko dago.

Eraikinak

• Alamedako Markesaren jauregia
• Alaba Eskibel jauregia
• Errementari kalea, 88

Jaiak

Kalearen azken zatiak, Harategi kantoitik Ahateen Iturrien plazara doanak, jaiak ospatzen ditu iraileko lehen larunbatean Bideko Ama Birjinaren omenez.

• 
  43. zenbakian Bideko Ama Birjinaren irudia dago

Trafikoa

Oinezkoentzako kalea den arren ibilgailu ugari ibiltzen da, gehienbat banaketa kamioiak. Norabide bakarrekoa, iparraldetik hegoalderantz.

Gasteiztxo tren turistikoak kaletik igarotzen da.

Aparkalekua

Ezin da aparkatu.

Kanpo estekak

• Datuak: Q55842593
• Multimedia: Calle de la Herrería, Vitoria-Gasteiz / Q55842593