Esperanza Pedreño
| Esperanza Pedreño | |
|---|---|
| Bizitza | |
| Jaiotza | Albacete, 1974ko abenduaren 20a (49 urte) |
| Herrialdea |  Espainia |
| Hezkuntza | |
| Hizkuntzak | gaztelania |
| Jarduerak | |
| Jarduerak | aktorea |
   | |
Esperanza Pedreño (izen osoa, María Esperanza Pedreño Solares, Albacete, 1974ko abenduaren 20a) espainiar aktorea da, telebistan eta zineman aritutakoa. Camera Café telesaioan Maricarmen Cañizaresen papera egiteagatik da ezaguna.
Biografia[aldatu | aldatu iturburu kodea]
Albaceteko institutuan hasi zen antzezlanak egiten eta Ekonomia eta Soziologia ikasketak egin zituen arren Almagroko Teatro Clasico Eskolan aritu eta Espainiako Arte Dramatikoaren Errege Goi-Eskolan (RESAD) lizentziatu zen. Performing Arts bekari esker Londresko Middlesex Unibertsitatean ikasi zuen.
Hasiera batean antzerkian aritu zen eta 2003 eta 2005 artean telebista ezagutu zuen, Más te vale XXL programan egin baitzuen lan. 2005ean Plan C programan sketchak egin zituen beste hainbat aktorerekin batera.
2005ean Camera Café telesailean Maricarmen Cañizares idazkari bereziaren papera egiteko aukeratua izan zen eta pertsonai honek sona handia eman zion[1]. Aurreneko denboraldi horretan telebistako bigarren mailako emakumezko aktore onenaren saria jaso zuen[2]. 2009 arte iraun zuen programak eta 2009an bertan aktore eta pertsonai berdinekin ¡Fibrilando! telesailean jarraitu zuen[3], baina ez zuen arrakasta handirik izan eta denboraldi bakarra egin zuen. 2009 eta 2011 artean Doctor Mateo telesailean aritu zen, medikuaren idazkariaren rolean[4].
Zineman ere aritu da, hasieran paper txikiekin eta ondoren laburmetrai batzuk ere egin zituen. Cruces laburmetraiarekin Albaceteko ABYCINE jaialdian irabazlea izan zen 2006an[5]. 2008an Una palabra tuya filmeko protagonista izan zen Malena Alteriorekin batera. Goya Sarietan emakumezko aktore errebelaziorako izendatua izan zen[6]. 2009an 18 comidas pelikulako aktorea izan zen. Bertan sei maitasun istorio kontatzen dira eta Esperanzak Luis Tosarrekin batera osatzen du istorioa[7].
Azken urteetan antzerkira itzuli da. Zortzi aktoreren artean La madre que me parió antzezlana egin zuten[8] eta bakarka Mi relación con la comida[9] eta Coneja egin ditu[10].
Filmografia[aldatu | aldatu iturburu kodea]
Filmeak[aldatu | aldatu iturburu kodea]
| Urtea | Filma | Pertsonaia | Oharrak |
|---|---|---|---|
| 2004 | Di que sí | Zaintzailea | |
| 2006 | Amor en defensa propia | ETT administraria | |
| 2006 | Cruces | Protagonista | laburmetraia |
| 2006 | Rémoras | Protagonista | laburmetraia |
| 2008 | Una palabra tuya | Milagros | protagonista |
| 2009 | 18 comidas | Sol | protagonista |
| 2010 | La gente sencilla | laburmetraia | |
| 2015 | Ocho apellidos catalanes | Loteria saltzailea |
Telebista[aldatu | aldatu iturburu kodea]
| Urtea | Filma | Pertsonaia | Oharrak |
|---|---|---|---|
| 2003-2005 | Más te vale XXL | Telebista programa | |
| 2005 | Plan C | sketchak | Telebista programa |
| 2005-2009 | Camera Café | Maricarmen Cañizares | Ohiko aktorea |
| 2007 | Dutifrí | Esperanza Pedreño | Telebista programa, saio bat |
| 2009 | ¡Fibrilando! | Maricarmen Cañizares | Ohiko aktorea |
| 2009-2011 | Doctor Mateo | Marga | Ohiko aktorea |
Antzerkia[aldatu | aldatu iturburu kodea]
| Urtea | Filma | Pertsonaia |
|---|---|---|
| 2017 | La madre que me parió | |
| 2018 | Mi relación con la comida | protagonista |
| 2019 | Coneja | protagonista |
Erreferentziak[aldatu | aldatu iturburu kodea]
- ↑ (Gaztelaniaz) vertele.eldiario.es. (2006-03-21). «Cañizares: "Camera Café es para gente lista, un público que está desatendido en televisión"» vertele (Noiz kontsultatua: 2020-03-20).
- ↑ «Unión de Actores y Actrices» www.uniondeactores.com (Noiz kontsultatua: 2020-03-20).
- ↑ (Gaztelaniaz) País, Ediciones El. (2009-08-05). «Cañizares se hace enfermera» El País ISSN 1134-6582. (Noiz kontsultatua: 2020-03-20).
- ↑ (Gaztelaniaz) vertele.eldiario.es. (2009-03-06). «Esperanza Pedreño: "Mi personaje representa todo lo contrario que el Dr. Mateo"» vertele (Noiz kontsultatua: 2020-03-20).
- ↑ (Gaztelaniaz) «Abycine 2006, se abre el telón» La Verdad 2006-09-30 (Noiz kontsultatua: 2020-03-20).
- ↑ (Gaztelaniaz) 20minutos. (2009-02-01). «Todos los nominados a los Goya 2009» www.20minutos.es - Últimas Noticias (Noiz kontsultatua: 2020-03-20).
- ↑ SensaCine. Reparto de 18 Comidas : Equipo Técnico, Producción y Distribución. (Noiz kontsultatua: 2020-03-20).
- ↑ (Gaztelaniaz) «Estreno de la comedia "La madre que me parió"» Teatro a Teatro 2017-01-18 (Noiz kontsultatua: 2020-03-20).[Betiko hautsitako esteka]
- ↑ (Gaztelaniaz) «"Mi relación con la comida" en el Teatro del Barrio» Teatro a Teatro 2016-07-01 (Noiz kontsultatua: 2020-03-20).[Betiko hautsitako esteka]
- ↑ (Gaztelaniaz) Madridiario. «La polifacética Esperanza Pedreño vuelve con 'Coneja', su creación más personal» Madridiario (Noiz kontsultatua: 2020-03-20).
Kanpo estekak[aldatu | aldatu iturburu kodea]
- Aktorearen IMDBko fitxa irakurgai (Gaztelaniaz)
