Flying Free
| Flying Free | |
|---|---|
DJ Marck Skudero (en)  eta Xavi Metralla (en) musika-lana | |
| Egilea(k) | DJ Marck Skudero (en) eta Xavi Metralla (en) |
| Argitaratze-data | 1999 |
| Izenburua | Flying Free |
| Ezaugarriak | |
| Genero artistikoa | Mákina |
«Flying Free» Pont Aeri diskoteka espainiarrari lotutako musika mákinako kanta bat da. Dj Ruboy eta Dj Skudero dira autoreak.' Interpretea Marian Dacal da.
Pont Aeri vol 4 maxi sinplearen parte da gaia. 1999ko maiatzean atera zen salgai Divucsa diskoetxearen Bit Music zigiluaren bidez. Arrakasta komertzialaren ondorioz, 1990eko hamarkadako Espainiako musika elektronikoaren kanta adierazgarrienetako bat da.[1][2][3][4]
Historia
[aldatu | aldatu iturburu kodea]«Flying Free» konposatzeko ideia Tarrasako (Bartzelona) Pont Aeri diskotekari lotuta zegoen, garai hartan musika makinaren artean garrantzitsuenetariko bat baitzen. Diskotekak hiru album kaleratu zituen, bertan entzuten ziren abestien nahasketekin, lehenik Max Music-ekin eta gero Bit Music-ekin (Divucsa), eta 1999an laugarren lanaren argitalpena prestatu zuten, Pont Aeri Vol.4.[1]
Lehen hiru albumek ez bezala, Escudero anaiek —Dj Skudero eta Xavi Metralla— eta Rubén Moreno ekoizleak —Dj Ruboy— letradun kanta baten alde egin zuten, irrati komertzialetan euren lana sustatzeko. Aukeratutako interpretea Marian Dacal izan zen, Bartzelonan bizi zen abeslari britainiarra. Flying Free baino lehen, Xasqui eta Toni Ten anaiek sortutako Scanners dance taldeko kantaria izan zen.[1]
Abestiaren hasieran Leila Kren «Open Sesame» kantaren sample bat entzuten da. T.B.R.-en «World Of Fantasy (Zauberflöte)»-ren melodiaren zati bat ere erabiltzen da. B.B.E.ren Seven Days and One Week kantaren sample bat ere jarri zuen. Singlea 158 bpm-ra ekoitzi zen, ohiko makina abestien 160 bpm-ren ordez.[2][2]
«Flying Free» Pont Aeri Vol.4 diskoan agertu zen, 1999ko maiatzean argitaratua, eta urte beraren amaieran salmenta-arrakasta bihurtu zen.[1] Harrera ona izan zuenez, Pont Aerik bere marka propioa garatu zuen album berriak, musika-taldeak eta Música sí (TVE) bezalako telebista-programen birak eskainiz. Gainera, Kataluniako beste areto batzuk ere, hala nola Scorpia (Igualada) eta Chasis (Mataró), beren albumak sustatzera animatu ziren, eta bultzada komertziala eman zioten makina-generoari.[2]
2000. urtean, Deejay aldizkariak bi sari eman zizkion «Espainiako kanta komertzial onenari» eta «makina-kanta onenari».[3]
Pont Aerik 2012an itxi zituen ateak, baina «Flying Free» 1990eko hamarkadari lotutako kanta bihurtu da, eta herri festetan, ezkontzetan eta telebista saioetan jotzen jarraitzen du.[1][2]
2018an egindako kontzertu batean, Liceuko orkestra sinfonikoak jo zuen, 1980 eta 2000ko hamarkada arteko hainbat abestirekin osatutako hautaketa baten baitan[5][6].
Erreferentziak
[aldatu | aldatu iturburu kodea]- ↑ a b c d e «'Flying Free': el éxito de la música 'mákina' que suena en bodas y verbenas cumple 20 años» Verne 30 de agosto de 2019.
- ↑ a b c d e «20 años de ‘Flying Free’: la historia tras el himno mákina que trascendió a la música popular» GQ España.
- ↑ a b «Pont Aeri y Flying Free, un tema Makina que traspasó barreras» DjDmonK 10 de septiembre de 2018.
- ↑ «Vídeo: así están los DJ de Pont Aeri 25 años después» Crónica Global.
- ↑ (Gaztelaniaz) EFE. (2018-01-10). «La música electrónica entra en el Liceu interpretada por orquesta sinfónica» elperiodico (Noiz kontsultatua: 2023-05-14).
- ↑ Pont Aeri Vol. 4 - Flyin Free Orquestrat i amb Dj Skudero, Xabi Metralla i Marian Dacal. (Noiz kontsultatua: 2023-05-14).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q3074611