Haliarto

Wikipedia, Entziklopedia askea
Jump to navigation Jump to search

Haliarto, Greziako Beozia eskualdeko antzinako hiri bat izan zen, Libetrio mendiaren hegoaldeko adarrekin lotutako muino batean altxatzen zena, Kopaide lakuaren hegoaldeko zatian, Permeso (edo Termeso Pausaniasen arabera) eta Olmeo ibaietatik gertu, hauek, Helikon mendiaren ingurutik igarotzen zirelarik, Kopaide lakura iritsi gabe. Lakuan itsasoratzen zena, Haliartotik gertu, Lofis erreka zen.

Haliarto, bertan, K. a. 395ean gertatutako guduagatik zen ezaguna, Lisandro eta Tebastarren artean gertatu zena.

Haliarton, Lisandro espartarraren hilobia dago, Haliartoko harresia eraso zuenean, non Tebaseko eta Atenaseko armada bat zegoen, etsaiek, irteera bat egin zuten eta guduan erori baitzen.

Hirugarren Mazedoniar gerran, Haliarto, Perseoren alde jarri zen. Erromatarrek su eman eta arpilatu zuten, eta atenastarrei eman zieten K. a. 171n. Bertako biztanleak, esklabu bezala salduak izan ziren.

Antzinako Haliartoko akropolia, herriaren mendebaldeko muturrean zegoen, lehen Kastri bezala ezaguna, gaur egun, berriz Haliarto izena berreskuratu duena.