Ikerkundeko Andre Mariaren eliza

Ikerkundeko Andre Mariaren eliza
Kokapena
Herrialdea	Euskal Herria
Probintzia	Nafarroa Garaia
Udalerria	Untzitibar
Koordenatuak	42°44′22″N 1°31′14″W / 42.73931201°N 1.52053901°W

Ikerkundeko Andre Mariaren eliza Untzitibarreko Zenborain kontzejuan XV. mendeko kristiau eliza bat da, gotiko estiloan.

Eraikina[aldatu | aldatu iturburu kodea]

XV. mendeko eraikin gotiko interesgarria da. Habearte bakarra eta kapera nagusia ditu, burualde zuzen batez errematatua; alboetako bi kapera, gurutzadurako beso gisa, eta koru bat oinaldean. Koru horren gainean dorrea dago, ez oso handia. Habeartearen atal bakarraren estalkia tertzeletedun gangaz egina da, eta sasi-gurutzadurari eta kapera nagusiari dagokien eremua izar-gangaz estalita dago. Deigarria da eliza honetan nabearen garapen eskasa, zati bakar bat, prebisterioari eta sasi-gurutzadurari dagokienez. Horrek pentsarazten du, berez, habearte luzeago bat planeatu zela, hainbat zatikoa, baina, proiektuaren inguruabarrak direla-eta, ezin izan zela gauzatu eta bakarra egin zela.

Gaur egungo erretaulak, neogotikoak, baliorik ez badu ere, artxiboko datuek aurretik beste erretaula bat egon zela erakusten dute, nahiz eta egilea ezezaguna izan, 1608rako amaitua zegoela; izan ere, data horretan Sebastian Zarate pintoreari, Juan Ibañez ilobari, enkargatu zitzaion haren pintura, urreztatua eta estofatua. Galdua ere, baina aipatzeko modukoa dena, sagrarioa zen, Pedro de Moreto zizelkatzaileak egina eta, ziur aski, 1600 baino lehentxeago amaitua, tasazioaren urtea; bere pintura, urreztatua eta estofatua Zarateri erretaularekin batera enkargatuko zaio.