Ingeles kartak

Wikipedia, Entziklopedia askea
Jump to navigation Jump to search
Ingeles kartak.

Ingeles kartak ala ingeles karta-sorta, karta jokoetan jokatzeko karta-sorta mota bat da. Lau sailetan banatutako 52 kartez osatua dago. Maiz bi komodin gehitzen dira, denera 54 karta osatuz.

Frantziar kartetan oinarritua dago, eta mundu osoan hedatuen dagoen karta-sorta da. Bridge, canasta eta pokerrean jokatzeko erabiltzen da.

Ezaugarriak[aldatu | aldatu iturburu kodea]

Ingeles kartak lau sailetan[1] banatua dago (ingelesez: suit), bi gorri eta bi beltz:

  • Pikak ,
  • Bihotzak ,
  • Diamanteak ,
  • Hirustak

Multzo bakoitza 13 kartez osatua dago, horietatik 9 zenbakidunak dira eta lau hizkidunak. Txikitik handirako mailan ordenatuak daude, honelaxe: A, 2, 3, 4, 5, 6, 7, 8, 9, 10, J, Q eta K. Hizkidun kartak figurak dira, ingelesez jack, queen (erregina), king (erregea) eta ace (batekoa). Komodinek ingelesez joker izena jasotzen dute.

Erabilera Euskal Herrian[aldatu | aldatu iturburu kodea]

Ipar Euskal Herrian frantziar kartak bezainbeste erabiltzen dira ingeles karta hauek, ez baitago desberdintasunik haien artean ez bada batekoek (A edo 1) eta figurek duten hizki adierazgarrian ( J, Q eta K; edo V, D eta R).

Izendatzeko orduan, zenbakidunak izendatzen dira, zenbakia, -ko atzizkia eta saila esanez (hala nola bederatziko pika)[1]. Figurentzat, erregea, anderea eta xangoa (honen aldaerekin: xota, jota, txanka...); sail batekin elkartuz gero, honela: xango pika[2], andere pika[3] eta errege pika.

Batekoa esateko beste modu bat ere bada: astoa. Hala nola, bateko pika edo asto pika[4].

Erreferentziak[aldatu | aldatu iturburu kodea]

  1. a b «Pika. Euskaltzaindiaren Hiztegia» www.euskaltzaindia.eus . Noiz kontsultatua: 2019-10-11.
  2. «pique | frantses-euskara hiztegi elektronikoa | Nola Erran» nolaerran.org . Noiz kontsultatua: 2019-10-11.
  3. «H.C. Andersen - Hemeretzi ipuin» www.armiarma.eus . Noiz kontsultatua: 2019-10-11.
  4. «Asto - OEH» www.euskaltzaindia.eus . Noiz kontsultatua: 2019-10-11.

Ikus gainera[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Ingeles kartak