Izaskun Andonegi

Izaskun Andonegi
Bizitza
Jaiotza	Donostia, 1967 (57/58 urte)
Herrialdea	Gipuzkoa, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	erizaina

Izaskun Andonegi Goikoetxea (Donostia, 1967-) zainketa aringarrietako erizaina da, eta doluaren kudeaketan aditua da.

IPIR formakuntza^[1] jaso zuen Bartzelonan.

Indian

Indian egindako lau urteko egonaldi batean hartu zuen erabakia erizaintza ikasteko eta zainketan aringarrietan berezitzeko.^[2] Zaintza horietan masterra du Kataluniako Onkologia Institutuan eskuratua.^[3]

Bidegin

Bidegin elkartearen, Gipuzkoako dolu eta laguntzarako zerbitzuaren, sortzaile nagusia da, eta esperientzia luzea du pertsonei heriotza eta dolu prozesuetan laguntzen.

2022an erakunde horrek Donostiako Herritar Merezimenduaren domina jaso zuen egindako lanagatik.^[4]

Errukiaren lanketa

Kaliforniako Stanford Unibertsitatearen barruan, Errukiaren Institutuan irakaslea da Compassion Cultivation Training (CCT) formakuntzan, Errukia Lantzeko Entrenamenduan.^[5]

Halaber, "compassionate communities" izeneko mugimenduan parte hartzen du Bidegin-ekin, Euskadiko Komunitate Errukitsuen Sarearen barruan (RECC/EKES). Donostiarekin batera, Orio, Zarautz, Tolosa, Irun-Hondarribia, Elgoibar, Gasteiz, Getxo, Santurtzi eta Sopela dira gaur egun sare horren kideak.

Dokumentaletan protagonista

Azken urteotan parte hartu du ikus-entzunezko hainbat lanetan, besteak beste Arteman Komunikazioak ekoiztutako "Aulki hutsak" (Iñaki Peña, 2013), "Mendian hil. Hirian hil" (Iñaki Peña, 2020) eta "Arantzazu. 26 zm, 5 mende, herri 1" (Pello Sarasua, 2023) dokumentaletan.